Day: January 22, 2026

काठमाडौं । नेकपा (बहुमत) निकट विद्यार्थी संगठन अखिल (क्रान्तिकारी) ले नेपालमा सञ्चालन भइरहेका विदेशी सम्बन्धनप्राप्त कलेजहरूले शिक्षाको नाममा संगठित ठगी र शोषण गरिरहेको आरोप लगाउँदै शिक्षा, विज्ञान तथा प्रविधि मन्त्रालयमा आज ज्ञापनपत्र पेश गरेको छ । २०५९ सालमा मन्त्रिपरिषद्बाट जारी गरिएको विदेशी शिक्षण संस्थासम्बन्धी निर्देशिकालाई अवैधानिक र शैक्षिक माफियामैत्री भएको दाबी गर्दै संगठनले सोही निर्देशिकाको आडमा विद्यार्थी ठगी र मानव तस्करीसम्म भइरहेको जनाएको छ । शिक्षा सचिव चूडामणि पौडेललाई पेश गरिएको ज्ञापनपत्रमा विदेशी कलेजहरूले प्रति विद्यार्थी लाखौँ रुपैयाँ असुल्ने, भ्रमपूर्ण सम्बन्धनका नाममा अवैध कार्यक्रम सञ्चालन गर्ने, छात्रवृत्ति नदिने, पीडित विद्यार्थीलाई धम्की दिने तथा विद्यार्थीलाई विदेश पठाएर श्रम शोषणमा फसाउने जस्ता गतिविधि गरिरहेको उल्लेख छ । त्रिभुवन विश्वविद्यालयले समेत अवै...

दाङ। बाँके मालपोत कार्यालयका तत्कालीन प्रमुख मालपोत अधिकृत तथा हाल दाङको घोराही उपमहानगरपालिकाका प्रमुख प्रशासकीय अधिकृत ऋषिराम केसी भ्रष्टाचार मुद्दामा तानिएका छन्। अख्तियार दुरुपयोग अनुसन्धान आयोगले सरकारी जग्गा गैरकानूनी रूपमा व्यक्तिको नाममा दर्ता गराएको अभियोगमा केसीसहित नौ जनाविरुद्ध विशेष अदालतमा आरोपपत्र दायर गरेको हो। अख्तियारका अनुसार केसीले मालपोत अधिकृत अशोककुमार भट्टराईलगायतसँग मिलेमतो गरी झुट्टा सर्जमिन मुचुल्का, गलत सिफारिस र निर्णयका आधारमा सरकारी नाममा रहनुपर्ने जग्गा व्यक्तिको नाममा नामसारी गराएका छन्। उक्त जग्गा तत्काल प्रचलित मुलुकी ऐनको अपुताली महलअनुसार नेपाल सरकारको नाममा कायम हुनुपर्ने थियो। सर्वोच्च अदालतबाट समेत अपुताली हक नपुग्ने भनी अन्तिम फैसला भइसकेको अवस्थामा पनि गैरकानूनी रूपमा जग्गा दर्ता गरिएको अख्तियारको ठहर छ। यसबाट राज्यलाई करिब ४३ लाख ३० हज...

दाङ। दाङ घोराही दोस्रो पर्यटन तथा सांस्कृतिक मेलाको सांगीतिक कार्यक्रममा चर्चित गायिका प्रिती आले मगरको सशक्त प्रस्तुतीले दर्शकहरूलाई नचाउन सफल भएको छ। स्टेजमा उत्रिएसँगै उनले एकपछि अर्को लोकप्रिय गीत प्रस्तुत गर्दै मेलाको माहोल तताएकी थिइन्। गायिका आलेले बन्दी पुरै ठिटो, बामरी बामरी, डाँडै माथि पिपल, सोल्टी राजाको कम्मरमा पानी, दोहोरी ब्याटल, रोधी घर, आयो तेरो सर र झोरा जस्ता चर्चित गीतहरू गाएपछि दर्शकहरू नाच्न र झुम्न बाध्य बने। दर्शकको उत्साह र तालीले स्टेज भरिएको थियो। कार्यक्रममा गायक प्रेम शर्माले लुकी लुकी हेर्न मन लाग्यो, माली गाईलाई बाँधेको दाम्ला र बसिसक्यो माया, गीत प्रस्तुत गरे भने गायक सुदन थापाले माया प्रेम नजिक भयो, तिम्रो आत्मामा मेरो आत्मा छ र पापै लागोस् तँलाई पापी नि गीतमार्फत दर्शकको मन जितेका थिए। त्यस्तै मोडल तथा डान्सर चाहना झाँक्रीको नृत्यले दर्शकलाई थप मनो...

 दाङ । प्रतिनिधि सभा सदस्य निर्वाचन–२०८२ लाई स्वच्छ, निष्पक्ष र भयरहित वातावरणमा सम्पन्न गर्न जिल्ला प्रशासन कार्यालय दाङले इजाजतप्राप्त सबै व्यक्तिगत हातहतियार यही  माघ २० गतेभित्र नजिकको प्रहरी इकाइमा बुझाउन निर्देशन दिएको छ। जिल्ला प्रशासन कार्यालय दाङले सोमबार सूचना जारी गर्दै निर्वाचन अवधिमा सुरक्षा जोखिम न्यूनीकरण गर्न यस्तो व्यवस्था गरिएको जनाएको हो। सूचनाअनुसार इजाजतपत्र प्राप्त व्यक्तिहरूले आफ्ना हातहतियार लगत कायम हुने गरी प्रहरी इकाइमा बुझाउनुपर्नेछ। प्रशासनले निर्वाचन सम्पन्न भएको एक महिनापछि—२०८२ चैत २० गते पश्चात—लगत कट्टा गरी सम्बन्धित हातहतियार फिर्ता गरिने स्पष्ट पारेको छ। तर तोकिएको म्यादभित्र हातहतियार नबुझाएमा प्रचलित कानून बमोजिम कडा कारबाही गरिने चेतावनी दिइएको छ। सहायक प्रमुख जिल्ला अधिकारी सावित्रा पुनद्वारा जारी सूचनामा निर्वाचन शान्ति, सुरक्षा र...

आगामी फागुन २१ गते हुने प्रतिनिधिसभा निर्वाचनमा झापा–५ बाट उम्मेदवार बनेका राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) र नेकपा एमालेका अध्यक्ष केपी शर्मा ओलीले अधिकतम ३१ लाख रुपैयाँसम्म मात्र चुनावी खर्च गर्न पाउने भएका छन्। निर्वाचन आयोगले तोकेको खर्च सीमाअनुसार दुवै उम्मेदवारका लागि समान सीमा निर्धारण गरिएको हो। आयोगले सबै उम्मेदवारलाई तोकिएको सीमा भित्र रहेर प्रचार–प्रसार गर्न र निर्वाचनपछि खर्च विवरण अनिवार्य बुझाउन निर्देशन दिएको छ। तर झापा–५ जस्तो प्रतिस्पर्धी क्षेत्रमा वास्तविक खर्च करोडौँ रुपैयाँ पुग्ने अनुमान भइरहेका छन्। अन्य क्षेत्रमा पनि पूर्वप्रधानमन्त्री पुष्पकमल दाहाल (प्रचण्ड) का लागि रुकुम पूर्वमा २७ लाख, गोरखा–२ का डा. बाबुराम भट्टराई र रौतहट–१ का माधवकुमार नेपालका लागि २९ लाख खर्च सीमा तोकिएको छ। सर्लाही–४ बाट उम्मेदवार बनेका नेपाली का...

काठमाडौं । नागरिक उन्मुक्ति पार्टी (नाउपा) का संरक्षक रेशम चौधरीको उम्मेदवारी खारेज भएको छ । उनले कैलाली–१ बाट दर्ता गराएको उम्मेदवारी निर्वाचन प्रक्रियाबाट बाहिरिएको हो । यस्तै, राष्ट्रिय स्वतन्त्र पार्टी (रास्वपा) का नेता लालविक्रम थापाविरुद्ध परेको उजुरीबारे निर्वाचन आयोगमा अझै छलफल जारी छ । निर्वाचन आयोगमा पाँच जना उम्मेदवारविरुद्ध उजुरी परेकामा तीन उजुरी भने खारेज भइसकेका छन् । भक्तपुर–२ बाट रास्वपाका उम्मेदवार राजीव खत्री र नेपाल जनसेवा पार्टीकी उम्मेदवार जानुका पाठकविरुद्ध परेका उजुरीसमेत खारेज भएका छन् ।...

बाँके । नेकपा (बहुमत) निकट  कम्युनिस्ट युवा संगठन, नेपाल जिल्ला समिति बाँकेले जिल्लामा मौलाउँदै गएको मिटरब्याज, लागूऔषध कारोबार, कालोबजारी, सरकारी जमिन अतिक्रमण, अस्पतालको लापरबाही र प्रशासनिक उदासीनताविरुद्ध कडा चेतावनी दिएको छ। जिल्ला प्रशासन कार्यालय बाँकेमा बुझाइएको ध्यानाकर्षण पत्रमार्फत संगठनले बाँकेमा राज्य संयन्त्रकै संरक्षणमा मिटरब्याज, लघुवित्त र सहकारीमार्फत सर्वसाधारणको आर्थिक शोषण भइरहेको आरोप लगाएको छ। संगठनका अनुसार सयौँ नागरिक ऋणको आतङ्कका कारण घरबारविहीन र विस्थापित बन्न बाध्य छन् तर प्रशासन मूकदर्शक बनेको छ। लागूऔषध, चरेस तथा अन्य नशालु पदार्थको खुलेआम कारोबारले बाँकेका युवाहरू मृत्युको मुखतर्फ धकेलिँदै गएको भन्दै संगठनले यसमा संलग्न गिरोहलाई तत्काल पक्राउ गरी कानुनी दायरामा ल्याउन माग गरेको छ। सरकारी जमिन अतिक्रमण गरी दलाल र पहुँचवालाले राज्य सम्पत्ति कब्जा गर्दा प...

काठमाडौं । नेकपा एमालेका अध्यक्ष केपी शर्मा ओलीले “धितो र जमानी नभएका” उम्मेदवारलाई भोट हालेर मत खेर नफाल्न मतदातालाई आग्रह गरेका छन्। झापामा आयोजित कार्यक्रममा उनले बैंकले पनि धितो बिना नोट नछाप्ने उदाहरण दिँदै, नचिनेका र स्थानीय नदेखिएका उम्मेदवारलाई मत दिनु विकासका लागि घातक हुने दाबी गरे। अध्यक्ष ओलीले २०६४ सालमा नचिनेका मान्छेलाई मत दिँदा देश पछि परेको अनुभव स्मरण गराउँदै, पर्यटक उम्मेदवार होइन स्थानीय उम्मेदवारलाई जिताउनुपर्ने बताए। सामाजिक सञ्जालमा फैलाइने भ्रमबाट मुक्त हुन पनि उनले आग्रह गरे।  उनले  रास्वपाका उम्मेदवार बालेन बालेन शाह प्रति यो भनाई लक्षित  गरेका हुन ।...

काठमाडौं । उज्यालो नेपाल पार्टी (उनेपा) भित्र आन्तरिक असन्तुष्टि सतहमा आएको छ । पार्टीका तीन केन्द्रीय सदस्यले साधारण सदस्यसमेत नरहने गरी सामूहिक राजीनामा दिएपछि उनेपाभित्रको संगठनात्मक कमजोरी पुनः चर्चामा आएको छ । राजीनामा दिने नेताहरूमा समानुपातिक उम्मेदवारसमेत रहेका डकेन्द्रसिंह थेगिम, ज्ञानबहादुर गुरुङ र अमर इजम छन् । उनीहरूले पार्टीभित्र लोकतान्त्रिक अभ्यास कमजोर रहेको, विचार, विधि र कार्यदिशा अस्पष्ट रहेको तथा पहिचानसम्बन्धी एजेन्डा लिखित रूपमा नआएको गम्भीर आरोप लगाएका छन् । राजीनामापछि सार्वजनिक संयुक्त विज्ञप्तिमा उनीहरूले यस्ता संरचनात्मक कमजोरीका कारण पार्टीभित्र बसेर राजनीतिक उद्देश्य हासिल गर्न नसकिने निष्कर्षमा पुगेको उल्लेख गरेका छन् । पार्टी नेतृत्वले पहिचान, आत्मनिर्णय र समावेशी राजनीतिका मुद्दालाई स्पष्ट दिशानिर्देश दिन नसकेको उनीहरूको भनाइ छ । डकेन्द्रसिंह थेगिम ...

काठमाडौं : विद्यार्थी स्वयंसेवक नेपालकाे केन्द्रीय संयाेजक मुक्ति गैरेले चुनाव पछि देश गम्भीर दुर्घटनामा पर्ने बताएका छन् । अघिल्ला सरकारहरुले थुप्रै अक्षम अपराधहरु गर्दै राष्ट्रघाति MCC सम्झौता पास गरेको छ अघिल्ला सरकारहरुकाे टेबुलमा अमेरिकी सुरक्षा लगानी परियोजना SPP थियोे अब चुनाव पछि बन्ने सरकारले यसलाई अब बन्ने सदनमा पेस  गरि केही नयाँ र पुराना सबै मिलेर पास गर्ने बताए । त्यसैले उनलेे भने यस्ता राष्ट्रघाति र जनघाति सम्झौताहरुलाई अनुमाेदन गर्ने चुनाव अस्वीकार गर्दै Election नभई Selection मार्फत जनताको जनप्रतिनिधि सभा गठन गरि जनसरकार निर्माणले मात्रै राष्ट्रिय, जनतन्त्र र जनजिविकाकाे रक्षा गर्न सक्ने जिकिर गरे । उनलेे व्यक्त गरेको कुरा जस्ताको त्यस्तै : Right To Reject. (अस्वीकार गर्ने अधिकार) चुनाव पछि देश गम्भीर दुर्घटनामा पर्नेछ । <अप्रत्याशित रुपमा उदाउनु भनेको रहस्यवाद हाे...