जिल्ला प्रशासन कार्यालय दाङले सोमबार सूचना जारी गर्दै निर्वाचन अवधिमा सुरक्षा जोखिम न्यूनीकरण गर्न यस्तो व्यवस्था गरिएको जनाएको हो। सूचनाअनुसार इजाजतपत्र प्राप्त व्यक्तिहरूले आफ्ना हातहतियार लगत कायम हुने गरी प्रहरी इकाइमा बुझाउनुपर्नेछ।
प्रशासनले निर्वाचन सम्पन्न भएको एक महिनापछि—२०८२ चैत २० गते पश्चात—लगत कट्टा गरी सम्बन्धित हातहतियार फिर्ता गरिने स्पष्ट पारेको छ। तर तोकिएको म्यादभित्र हातहतियार नबुझाएमा प्रचलित कानून बमोजिम कडा कारबाही गरिने चेतावनी दिइएको छ।
सहायक प्रमुख जिल्ला अधिकारी सावित्रा पुनद्वारा जारी सूचनामा निर्वाचन शान्ति, सुरक्षा र विश्वसनीयता सुनिश्चित गर्न सबै सम्बन्धित पक्षलाई निर्देशनको पूर्ण पालना गर्न आग्रह गरिएको छ।
