Day: August 27, 2026

काठमाडौं । भोटेकोशी नदीमा आएको भीषण बाढीबाट प्रभावित नागरिकको खोज, उद्धार, राहत तथा पुनर्स्थापनामा सहयोग पुर्‍याउन ग्लोबल आइएमई बैंक लिमिटेडले प्रधानमन्त्री दैवी प्रकोप उद्धार कोषमा ५ करोड रुपैयाँ सहयोग गर्ने घोषणा गरेको छ। बैंकका अनुसार बाढीबाट रसुवा, नुवाकोट, धादिङ, गोरखा र चितवनलगायत नदी आसपासका क्षेत्रमा ठूलो जनधनको क्षति भएको छ। बाढीका कारण कैयौँ नागरिकको ज्यान गएको, धेरै बेपत्ता भएको तथा सयौँ परिवार विस्थापित भएको अवस्थामा तत्काल राहत र पुनर्स्थापनाका लागि सहयोग रकम उपलब्ध गराउन लागिएको हो। बैंकले विपद्मा परेका नागरिकको खोजी तथा उद्धार, घाइतेको उपचार, खाद्यान्न र अस्थायी बसोबासको व्यवस्थासँगै क्षतिग्रस्त पूर्वाधारको पुनर्निर्माणमा समेत सहयोग पुग्ने विश्वास व्यक्त गरेको छ। बाढी तथा पहिरोमा ज्यान गुमाएकाप्रति श्रद्धाञ्जली व्यक्त गर्दै बैंकले शोकसन्तप्त परिवारप्रति समवेदना प्रक...

चितवन । रसुवाको बाढीले बगाएर ल्याएको शवबाट कानमा लगाइएको सुनको मुन्द्रा निकाल्ने दुई जनालाई चितवन प्रहरीले पक्राउ गरेको छ। प्रहरीका अनुसार पक्राउ पर्नेमा नवलपरासीको विनय त्रिवेणी नगरपालिका–१ घर भई हाल भरतपुर महानगरपालिका–१ लीलाचोकमा बस्दै आएका २५ वर्षीय मदन गुरुङ र सुनसरीको इनरुवा नगरपालिका–५ चाँदबेला घर भई भरतपुर–२ पोखरा बसपार्क क्षेत्रमा बस्दै आएका ३८ वर्षीय उमेश चौधरी छन्। सामाजिक सञ्जालमा सार्वजनिक भएको भिडियोमा शवबाट सुनको मुन्द्रा निकालिरहेको देखिएपछि प्रहरीले भिडियोको आधारमा उनीहरूको पहिचान गरेको थियो। त्यसपछि दुवै जनालाई नियन्त्रणमा लिएर घटनाबारे अनुसन्धान अघि बढाइएको चितवन प्रहरीले जनाएको छ। चितवनका प्रहरी प्रमुख एसपी रामेश्वर पौडेलका अनुसार उनीहरूलाई बिहीबार दिउँसो पक्राउ गरिएको हो। घटनाको थप विवरण अनुसन्धानपछि खुल्ने प्रहरीले जनाएको छ।...

दाङ । रसुवा तथा नुवाकोट क्षेत्रमा आएको बाढी तथा पहिरोपछि दाङका विभिन्न स्थानका ३३ जना व्यक्ति सम्पर्कविहीन भएका छन्। जिल्ला प्रशासन कार्यालय दाङका अनुसार हालसम्म ५ जना सम्पर्कमा आएका छन् भने २८ जनाको खोजी तथा उद्धार हुन बाँकी रहेको छ। प्रशासनले बिहीबार अपराह्न ४ बजे सार्वजनिक गरेको थप विवरणअनुसार सम्पर्कविहीनमध्ये तुलसीपुर उपमहानगरपालिका–६ का रन्जित वली रसुवास्थित अपर त्रिशूली हाइड्रोपावरमा कार्यरत रहेको जनाइएको छ। त्यस्तै तुलसीपुर–२ का देवबहादुर गाहा मगर, तुलसीपुर–१९ का जयमान विश्वकर्मा, सुरेश चौधरी, लालबहादुर सुनार र गोपाल पुन मगर सम्पर्कविहीन रहेको प्रशासनले जनाएको छ। घोराही उपमहानगरपालिका–१२ मा बस्दै आएका तथा रुकुमपूर्व–९ का मिलन श्रेष्ठ, तुलसीपुर–१३ हात्तिखौवाकी ३० वर्षीया नारायणी पराजुली, तुलसीपुर–६ का ४२ वर्षीय नेपाली सेनामा कार्यरत टेकबहादुर राना पनि सम्पर्कविहीन छन्। त...

काठमाडौं । नेपाल–चीन सीमा क्षेत्रमा बनेको ठूलो प्राकृतिक बाँधसहितको ताल फुट्ने जोखिम उच्च रहेको चीनको जलस्रोत मन्त्रालयले चेतावनी दिएको छ। चिनियाँ सञ्चारमाध्यमका अनुसार छोछेन खोला र पुरेपु त्साङ्पो नदीको संगम नजिक बनेको तालमा हाल करिब २० लाख घनमिटर पानी जम्मा भएको छ। आगामी तीन दिनमा थप ३० लाख घनमिटर पानी थपिने अनुमान छ। प्राकृतिक बाँध फुटेमा अचानक ठूलो बाढी आउन सक्ने भन्दै चीनले निरन्तर निगरानी र सम्भावित उद्धारका लागि तयारी गरिरहेको जनाएको छ।...

दाङ । लोक दोहोरी गायिका टीका सानुले बाढी तथा विपद् प्रभावितका लागि प्रधानमन्त्री दैवी प्रकोप उद्धार कोषमा ५० हजार रुपैयाँ सहयोग गरेकी छन्। तुलसीपुर–४ निवासी सानुले विपत्तिको समयमा पीडितको राहत तथा उद्धारमा सहयोग पुगोस् भन्ने उद्देश्यले रकम प्रदान गरेकी हुन्। सहयोग सार्वजनिक गर्दै उनले विपद्को समयमा सबैलाई आ–आफ्नो तर्फबाट सहयोग गर्न अपिल गरेकी छन्। उनले राहत सामग्री ढुवानीका लागि हवाई भाडा घटाउनसमेत सरकारसँग आग्रह गरेकी छन्।...

दाङ । रसुवा, नुवाकोटलगायत जिल्लामा आएको भीषण बाढीका कारण कामको सिलसिलामा ती क्षेत्रमा रहेका दाङका केही व्यक्ति सम्पर्कविहीन भएपछि खोजी तथा समन्वय भइरहेको छ। जिल्ला प्रशासन कार्यालय दाङले सार्वजनिक गरेको सूचनाअनुसार सम्पर्कविहीन भनिएका व्यक्तिमध्ये ध्रुवबहादुर बुढा मगर, गोपाल चौधरी र बुद्धिराम चौधरी आफ्नो परिवारको सम्पर्कमा आएका छन्। कार्यालयका अनुसार अन्य सम्पर्कविहीन व्यक्तिहरूको अवस्थाबारे भने हालसम्म यथार्थ विवरण प्राप्त हुन सकेको छैन। जिल्ला प्रशासन कार्यालय, जिल्ला आपत्कालीन कार्य सञ्चालन केन्द्र (DEOC) तथा सुरक्षा निकायहरू निरन्तर सम्पर्क र समन्वयमा रहेको जनाइएको छ। सम्पर्कविहीन भएका व्यक्तिका परिवार तथा आफन्तलाई धैर्य गर्न आग्रह गर्दै प्रशासनले थप विवरण प्राप्त भए आधिकारिक फेसबुक पेजमार्फत सार्वजनिक गर्ने जनाएको छ।...

काठमाडौँ। नेकपाका संयोजक पुष्पकमल दाहाल ‘प्रचण्ड’ले प्राकृतिक विपत्तिको सामना गर्न राजनीतिक दलहरूबीचको मतभेद पन्छाएर राष्ट्रिय एकताका साथ अघि बढ्नुपर्ने बताएका छन्। रास्वपाका सभापति रवि लामिछानेको आह्वानमा बिहीबार आयोजित सर्वदलीय बैठकमा बोल्दै प्रचण्डले विपत्तिको समयमा दलगत स्वार्थभन्दा नागरिकको जीवन रक्षा प्राथमिकतामा राख्नुपर्ने धारणा राखे। उनले अहिले राजनीतिक बहस र पूर्वाग्रहमा अल्झिनेभन्दा खोजी, उद्धार तथा राहतमा सबै राजनीतिक शक्ति परिचालन हुनुपर्ने बताए। प्रचण्डले विगतमा कोशी बाढी, जुरे पहिरो, २०७२ सालको भूकम्प र जाजरकोट भूकम्पलगायतका विपत्तिमा नेपाली समाज र राजनीतिक शक्तिहरू एकजुट भएर संकटको सामना गरेको स्मरण गरे। लोकतन्त्रमा राजनीतिक मतभेद स्वाभाविक भए पनि विपत्तिको समयमा ती मतभेदलाई केही समय थाती राखेर राष्ट्र र नागरिकको पक्षमा एक ठाउँमा उभिनुपर्ने उनको भनाइ थियो।...

काठमाडौँ । नेपाल–तिब्बत सीमाना नजिकै बुधबार आएको विनाशकारी बाढी हिमनदीको तल्लो भाग भत्किएर ठूलो परिमाणमा हिउँ, चट्टान र माटो तलको उपत्यकामा खस्दा आएको हुन सक्ने विज्ञहरूले अनुमान गरेका छन्। स्याटेलाइट तस्बिरको अध्ययन गरेका विज्ञहरूका अनुसार करिब ५ हजार २०० मिटर उचाइमा रहेको हिमनदीको तल्लो भाग भत्किएर करिब १ हजार २०० मिटर तल उपत्यकामा खसेको देखिन्छ। यस क्रममा ठूलो परिमाणमा चट्टान र माटोसमेत मिसिएर तीव्र गतिमा बाढी आएको हुन सक्ने बताइएको छ। हिमनदी भत्किनुको यकिन कारण भने अझै खुलिसकेको छैन। बाढी आउनुभन्दा केही मिनेटअघि त्यस क्षेत्रमा भूकम्प गएको र त्यसले हिमपहिरो निम्त्याएको हुन सक्ने प्रारम्भिक अनुमान गरिएको छ। यद्यपि, विज्ञहरूले भूकम्प नै मुख्य कारण हो भन्ने निष्कर्षमा पुग्न अझै थप अध्ययन आवश्यक रहेको बताएका छन्। भूगर्भविद्हरूले पछिल्लो समय तीव्र रूपमा हिउँ पग्लिएको देखिएको भन्दै त...

दाङ । सामाजिक गतिविधिमा सक्रिय ‘घोराही बनाऔँ अभियान’ पछिल्लो समय खेलकुदमार्फत पनि युवासँग जोडिन थालेको छ। अभियानको टोलीले विभिन्न समूह तथा संस्थासँग मैत्रीपूर्ण फुट्सल खेल्दै आएको छ। बुधबार गैरागाउँमा भएको खेलमा निर्वाना पाथ ग्रुपलाई ९–६ गोलले पराजित गर्दै अभियानले जित निकालेको हो। अभियानका अनुसार बिहीबार दीपशिखा माध्यमिक विद्यालयका शिक्षकहरूसँग, शुक्रबार दाङ निर्माण व्यवसायी संघसँग र शनिबार युनिक मिड वेस्टर्न एकेडेमीसँग मैत्रीपूर्ण फुट्सल खेल हुँदैछ। सामाजिक रूपान्तरणसँगै शिक्षा, स्वास्थ्य, खेलकुद र उद्यमशीलतामा समुदायलाई जोड्ने उद्देश्यले अभियान अघि बढिरहेको संयोजकले बताएका छन्। खेलकुदलाई युवालाई सकारात्मक गतिविधिमा सहभागी गराउने माध्यमका रूपमा अभियानले प्राथमिकता दिएको जनाएको छ।...

काठमाडौँ — रसुवा, नुवाकोटलगायत क्षेत्रमा आएको भीषण बाढीपछि भारतले नेपाललाई राहत तथा उद्धार सामग्री पठाउने भएको छ। नेपाल सरकारको आग्रहपछि भारतीय वायुसेनाको जहाज राहत सामग्रीसहित काठमाडौं आउँदै गरेको परराष्ट्र मन्त्रालय स्रोतले जनाएको छ। यसअघि भारतीय प्रधानमन्त्री नरेन्द्र मोदीले प्रधानमन्त्री बालेन्द्र शाहसँग टेलिफोन संवाद गर्दै बाढीबाट भएको क्षतिप्रति दुःख व्यक्त गर्दै नेपाललाई आवश्यक मानवीय सहयोग उपलब्ध गराउने प्रतिबद्धता जनाएका थिए। भारतले सोही प्रतिबद्धताअनुसार उद्धार तथा राहत सामग्री नेपाल पठाउन लागेको हो। बाढी प्रभावित क्षेत्रमा अहिले खोजी, उद्धार तथा राहत वितरणको काम जारी छ।...