तीन दिनभित्र प्राकृतिक बाँध फुट्ने जोखिम, चीनको चेतावनी

काठमाडौं । नेपाल–चीन सीमा क्षेत्रमा बनेको ठूलो प्राकृतिक बाँधसहितको ताल फुट्ने जोखिम उच्च रहेको चीनको जलस्रोत मन्त्रालयले चेतावनी दिएको छ।

चिनियाँ सञ्चारमाध्यमका अनुसार छोछेन खोला र पुरेपु त्साङ्पो नदीको संगम नजिक बनेको तालमा हाल करिब २० लाख घनमिटर पानी जम्मा भएको छ। आगामी तीन दिनमा थप ३० लाख घनमिटर पानी थपिने अनुमान छ।

प्राकृतिक बाँध फुटेमा अचानक ठूलो बाढी आउन सक्ने भन्दै चीनले निरन्तर निगरानी र सम्भावित उद्धारका लागि तयारी गरिरहेको जनाएको छ।