Day: March 26, 2026

कञ्चनपुर – नेकपा (बहुमत) निकट विद्यार्थी संगठन अखिल (क्रान्तिकारी) कञ्चनपुर जिल्ला समितिले भिमदत्त नगरपालिकाको मनपरी शिक्षक सरुवा र स्थानीय शिक्षा प्रशासनमा आसेपासेहरूको अनियमित हस्तक्षेप विरुद्ध चेतावनी दिएको छ। संगठनले प्रेस वक्तव्यमा भनेको छ, शिक्षा क्षेत्रको असंवैधानिक र मनपरी व्यवस्थापन सहनयोग्य छैन। विद्यार्थीको हित विपरित शिक्षक सरुवा गर्ने कार्य तुरुन्त बन्द गर्नुपर्छ, अन्यथा शैक्षिक क्षेत्रलाई तहसनहस पार्नेहरूको विरुद्ध निर्णायक संघर्षमा हामी पछि हट्ने छैनौं। संगठनले भनेको छ, हाल प्रचलित संघीय शिक्षा ऐन, शिक्षक सेवा आयोग नियमावली, र स्थानीय शिक्षा ऐन तथा निर्देशिकाअनुसार मात्र शिक्षक सरुवा र मिलान हुनुपर्छ। संगठनको भनाई छ कि शिक्षक पदस्थापन पारदर्शी, आवश्यकता र विषयगत मेल खाने हुनुपर्छ, अपुग शिक्षक भए नगर शिक्षकको व्यवस्था गर्नुपर्छ, र सरुवा इच्छुक शिक्षकबाट मात्र निवेदन ल...

काठमाडौं।  अखिल (क्रान्तिकारी) विश्वविद्यालय तथा सिटीइ भिटी विशेष प्रदेश समिति ले काठमाडौं विश्वविद्यालयमा हालसालै गरिएको नियुक्ति प्रक्रियाप्रति गम्भीर आपत्ति जनाएको छ। उक्त विद्यार्थी संगठनले विश्वविद्यालय कार्यकारी परिषद्ले एकेडेमिया–इन्डष्ट्री कोअर्डिनेटर तथा एसोसियट डिनहरूको नियुक्ति गर्दा राजनीतिक भागबण्डा गरिएको आरोप लगाइएको छ। संयोजक पारस राहदी मगर द्वारा जारी हस्ताक्षरित बिज्ञप्ति अनुसार उक्त नियुक्तिमा राष्ट्रिय स्वतन्त्र पार्टी, नेपाली कांग्रेस र नेपाल कम्युनिष्ट पार्टी (एमाले) बीच भागबण्डा गरिएको दाबी गरिएको छ। अखिल (क्रान्तिकारी)ले विश्वविद्यालयजस्तो प्राज्ञिक संस्थामा राजनीतिक हस्तक्षेप अस्वीकार्य हुने बताउँदै यस्ता गतिविधि तुरुन्त बन्द गर्न सम्बन्धित पक्षको ध्यानाकर्षण गराएको छ। साथै, संगठनले पारदर्शी, निष्पक्ष र योग्यतामा आधारित नियुक्ति प्रक्रिया अपनाउन माग गर्दै...

दाङ । घोराही उपमहानगरपालिका–१४, झिंगौरामा जारी लुम्बिनी प्रदेश स्तरीय महोत्सवमा बिहीबार राष्ट्रिय तथा स्थानीय ख्यातिप्राप्त कलाकारहरूको विशेष सांगीतिक प्रस्तुति रहेको थियो। महोत्सवमा पछिल्लो समय नेपाली सांगीतिक क्षेत्रमा चर्चामा रहेकी गायिका एलिना चौहानको आकर्षक प्रस्तुति रहेको थियो। उनले “धोकेबाज हौ तिमी”, "खनाइदिउ पानी "“मिनरल वाटर”, “कट्टा हान्दिन्छु”, “रुवाउनेहरू हजार भए” र “यो भागमा खोट” लगायत आफ्ना चर्चित गीतहरू प्रस्तुत गर्दै दर्शकलाई भरपुर मनोरञ्जन दिइन्। उनको प्रस्तुति अवधिभर दर्शकहरू नाचगानमा झुमेका थिए। त्यस्तै, सोही कार्यक्रममा गायक कमल बिसी (माइल दाइ), सुमन परियार र प्रेम शर्मा लगायतका कलाकारहरूले पनि धमाकेदार प्रस्तुति दिँदै माहोल तताएका थिए। नेपाल घरेलु तथा साना उद्योग महासंघ, जिल्ला शाखा दाङद्वारा ‘साना तथा घरेलु उद्योगको विकास र विस्तार, लुम्बिनी प्रदेशको समृद्धि...

दाङको घोराहीबाट लागुऔषधसहित पाँच जना पक्राउ परेका छन्। पक्राउ पर्नेमा घोराही–१५ का २० वर्षीय सौरव वली, घोराही–१३ की २८ वर्षीया सृजना चौधरी, वडा नं.४ घर भई हाल घोराही–१३ बस्ने २६ वर्षीय बिशाल बि.क., तुलसीपुर–६ घर भई घोराही–१३ बस्ने १८ वर्षीया यस कुमारी नेपाली र २४ वर्षीया मिना नेपाली रहेका छन्। जिल्ला प्रहरी कार्यालय दाङका अनुसार विशेष सूचनाका आधारमा खटिएको टोलीले घोराही–१५ स्थित स्केट पार्क नजिकैबाट उनीहरूलाई ब्राउन सुगरसहित नियन्त्रणमा लिएको हो। प्रहरीले १८ ग्राम ६६० मिलिग्राम खैरो पदार्थ, सुनजस्तो देखिने पहेँलो धातु १६.२ लाल, नगद ४८ हजार ७२५ रुपैयाँ र ५ थान मोबाइल बरामद गरेको जनाएको छ। पक्राउ परेकाविरुद्ध लागुऔषध मुद्दामा जिल्ला अदालतमा मुद्दा दर्ता गरी १० दिनको म्याद लिएर अनुसन्धान अघि बढाइएको प्रहरीले जनाएको छ।...

लुम्बिनी प्रदेशमा यस वर्षको माध्यमिक शिक्षा परीक्षा (एसईई)मा झण्डै ८९ हजार विद्यार्थी सहभागी हुने भएका छन्। शिक्षा तथा सामाजिक विकास निर्देशनालयका अनुसार प्रदेशका १२ जिल्लाबाट नियमिततर्फ ७२ हजार ४४ जना र ग्रेडवृद्धितर्फ १६ हजार ९२१ जना गरी कुल ८८ हजार ९६५ परीक्षार्थी परीक्षा दिनेछन्। परीक्षाका लागि प्रदेशभर ३३८ वटा केन्द्र निर्धारण गरिएको छ। गत वर्षको तुलनामा यस वर्ष ५ हजार ९४३ विद्यार्थी घटेका छन्। गत वर्ष ९४ हजार ९०८ जना सहभागी भएका थिए। एसईई १९ चैतदेखि २९ चैतसम्म बिहान ८ बजेदेखि ११ बजेसम्म सञ्चालन हुनेछ। परीक्षा मर्यादित, निष्पक्ष र शान्तिपूर्ण बनाउन आवश्यक तयारी अन्तिम चरणमा पुगेको निर्देशनालयले जनाएको छ। जिल्लागत रूपमा रुपन्देहीमा सबैभन्दा बढी २१ हजार ३०० परीक्षार्थी सहभागी हुँदा रुकुम पूर्वमा सबैभन्दा कम ९१३ जना रहेका छन्।...

काठमाडौं — पूर्व प्रधानमन्त्री शेर बहादुर देउवा ले छानबिनका क्रममा कार्की आयोगसमक्ष दिएको बयानमा आफ्नो निवासमा जेनजी आन्दोलनका क्रममा जलेको भनिएको अमेरिकी डलर र नेपाली नोट वास्तविक नभई ‘एआईबाट तयार गरिएको सामग्री’ हुन सक्ने दाबी गरेका छन्। उनले नेपाल प्रहरीले वडा अध्यक्षको रोहबरमा तयार पारेको मुचुल्कामा निवासबाट भेटिएको रकम ठूलो परिमाणको नभएको उल्लेख गरिएको पनि बताएका छन्। साथै सामाजिक सञ्जालमा फैलिएका तस्बिर तथा विवरणहरू भ्रामक र कृत्रिम रूपमा बनाइएको हुन सक्ने उनको भनाइ छ। देउवाले घटनालाई अतिरञ्जित गरी गलत सन्देश फैलाइएको दाबी गर्दै वास्तविकता पत्ता लगाउन निष्पक्ष छानबिन आवश्यक रहेको बताएका छन्।...

दाङ । दाङको घोराही उपमहानगरपालिका–१४ झिगौरामा सञ्चालन भइरहेको लुम्बिनी प्रदेश स्तरीय साना तथा घरेलु उद्योग, सांस्कृतिक, पर्यटन तथा कृषि महोत्सव–२०८२ मा आज चैत १२ गते चर्चित गायिका एलिना चौहान आउने भएकी छन्। नेपाल घरेलु तथा साना उद्योग महासंघ दाङ जिल्ला महिला उद्यमी समितिको आयोजनामा फाल्गुन २८ गतेदेखि सुरु भएको महोत्सव चैत १५ गतेसम्म सञ्चालन हुने आयोजकले जनाएको छ। महोत्सवको आज चैत १२ गतेको विशेष आकर्षणका रूपमा लोकप्रिय गायिका एलिना चौहानको प्रस्तुति रहने कार्यक्रम तय गरिएको छ। त्यस्तै सोही दिन गायक सुमन परियार, गायक विनोद लामा, प्रतिक्षा बिष्ट, गीता धर्ती, वर्षा मगर लगायत कलाकारको पनि प्रस्तुति रहने आयोजकले जानकारी दिएको छ। कार्यक्रममा उद्घोषक शान्ताराम सेन्चुरी, प्रेम शर्मा तथा विष्णु तुतारले सञ्चालन गर्नेछन् भने डान्सर एन्जल लामा र डान्सर समूहको नृत्य प्रस्तुति पनि रहनेछ। साथै ला...