काठमाडौं — पूर्व प्रधानमन्त्री शेर बहादुर देउवा ले छानबिनका क्रममा कार्की आयोगसमक्ष दिएको बयानमा आफ्नो निवासमा जेनजी आन्दोलनका क्रममा जलेको भनिएको अमेरिकी डलर र नेपाली नोट वास्तविक नभई ‘एआईबाट तयार गरिएको सामग्री’ हुन सक्ने दाबी गरेका छन्।
उनले नेपाल प्रहरीले वडा अध्यक्षको रोहबरमा तयार पारेको मुचुल्कामा निवासबाट भेटिएको रकम ठूलो परिमाणको नभएको उल्लेख गरिएको पनि बताएका छन्। साथै सामाजिक सञ्जालमा फैलिएका तस्बिर तथा विवरणहरू भ्रामक र कृत्रिम रूपमा बनाइएको हुन सक्ने उनको भनाइ छ।
देउवाले घटनालाई अतिरञ्जित गरी गलत सन्देश फैलाइएको दाबी गर्दै वास्तविकता पत्ता लगाउन निष्पक्ष छानबिन आवश्यक रहेको बताएका छन्।
