काठमाडौँ । नेतृत्व हस्तान्तरणको बहस चर्किरहेका बेला एमाले अध्यक्ष केपी शर्मा ओली ले आफू तत्काल विश्राम लिने पक्षमा नरहेको संकेत दिएका छन्।
राजधानीमा आयोजित कार्यक्रममा बोल्दै ओलीले सजिलो अवस्थामा पद खोज्ने र अप्ठ्यारो पर्दा भाग्ने नेता आफू नभएको बताएका हुन्। उनले पार्टीलाई सफलताको उचाइमा पुर्याएर मात्रै विधिसम्मत रूपमा विश्राम लिने बताएका छन्।
ओलीको अभिव्यक्तिलाई एमालेभित्र बढ्दो नेतृत्व परिवर्तनको दबाबलाई रोक्ने प्रयासका रूपमा हेरिएको छ। पछिल्लो समय स्वास्थ्य, उमेर र विभिन्न राजनीतिक विवादबीच पनि उनी पुनः सक्रिय रूपमा पार्टी संगठन र राजनीतिक अभियानमा जुट्ने तयारीमा देखिएका छन्।
