Day: June 3, 2026

रुकुम पश्चिम । आठबिसकोट नगरपालिकामा आगामी आर्थिक वर्षदेखि ग्रामीण स्वास्थ्य सेवामा महत्वपूर्ण सुधार ल्याउने उद्देश्यका साथ ग्रामीण स्वास्थ्य प्रणाली सुदृढीकरण परियोजना सञ्चालन हुने भएको छ। आठबिसकोट नगरपालिकाले अमेरिकास्थित निक साइमन्स फाउन्डेसन इन्टरनेशनल सँग यस परियोजना कार्यान्वयनका लागि पूर्व सहमति गरेको छ। नगर प्रमुख रवि केसी का अनुसार परियोजना आगामी आर्थिक वर्षको साउन १ गतेदेखि कार्यान्वयनमा आउनेछ। परियोजना अन्तर्गत आठबिसकोट नगर अस्पतालमा एमडीजीपी चिकित्सक, चिकित्सा अधिकृत, स्टाफ नर्स, एनेस्थेसिया सहायक तथा विभिन्न स्वास्थ्यकर्मीहरू नियुक्त गरिनेछन्। यससँगै अस्पतालबाट शल्यक्रिया सेवा, आपतकालीन सेवा तथा व्यापक प्रसूति एवं नवजात शिशु स्याहार सेवा प्रदान गरिनेछ। सम्झौताअनुसार पाँच वर्षसम्म सञ्चालन हुने यस परियोजनामा करिब साढे सात करोड रुपैयाँ लगानी हुने बताइएको छ। विशेषगरी ग्राम...

काठमाडौँ । नेतृत्व हस्तान्तरणको बहस चर्किरहेका बेला एमाले अध्यक्ष केपी शर्मा ओली ले आफू तत्काल विश्राम लिने पक्षमा नरहेको संकेत दिएका छन्। राजधानीमा आयोजित कार्यक्रममा बोल्दै ओलीले सजिलो अवस्थामा पद खोज्ने र अप्ठ्यारो पर्दा भाग्ने नेता आफू नभएको बताएका हुन्। उनले पार्टीलाई सफलताको उचाइमा पुर्‍याएर मात्रै विधिसम्मत रूपमा विश्राम लिने बताएका छन्। ओलीको अभिव्यक्तिलाई एमालेभित्र बढ्दो नेतृत्व परिवर्तनको दबाबलाई रोक्ने प्रयासका रूपमा हेरिएको छ। पछिल्लो समय स्वास्थ्य, उमेर र विभिन्न राजनीतिक विवादबीच पनि उनी पुनः सक्रिय रूपमा पार्टी संगठन र राजनीतिक अभियानमा जुट्ने तयारीमा देखिएका छन्।...

भारतको राजधानी नयाँ दिल्लीस्थित एक होटलमा भएको भीषण आगलागीमा २१ जनाको मृत्यु भएको छ भने दर्जनौँ घाइते भएका छन्। दक्षिणी दिल्लीको ‘फ्लोरिस स्टे’ होटलमा बुधबार बिहान आगलागी हुँदा पाहुना र कर्मचारी भवनभित्रै फसेका थिए। ४० भन्दा बढी घाइतेलाई अस्पताल भर्ना गरिएको छ। आठ वटा दमकलको सहयोगमा आगो नियन्त्रणमा लिइए पनि ठूलो मानवीय क्षति भएको प्रहरीले जनाएको छ। मृतकमध्ये धेरै विदेशी नागरिक रहेको अनुमान गरिएको छ। प्रधानमन्त्री नरेन्द्र मोदी ले घटनाप्रति दुःख व्यक्त गर्दै मृतकका परिवारप्रति समवेदना प्रकट गरेका छन्। आगलागीको कारणबारे अनुसन्धान जारी छ।...

आज देशभरको मौसम सामान्यतया बदली रहने अनुमान गरिएको छ। जल तथा मौसम विज्ञान विभागका अनुसार हिमाली र पहाडी क्षेत्रमा बादलको प्रभाव बढी रहनेछ भने तराईका अधिकांश स्थानमा आंशिक बदली रहनेछ। दिउँसो हिमाल र पहाडका केही स्थानमा मेघगर्जन तथा चट्याङसहित मध्यम वर्षा हुन सक्ने सम्भावना छ। लुम्बिनी र सुदूरपश्चिमका तराईका एक–दुई स्थानमा पनि वर्षा हुन सक्छ। यता मधेश, कोशी, बागमती र गण्डकी प्रदेशका तराई क्षेत्रमा तापक्रम बढ्ने भएकाले तातो दिनको अनुभव हुने सम्भावना रहेको छ। राति भने अधिकांश तराई क्षेत्रको मौसम सफा रहने अनुमान छ। हिमाली क्षेत्रमा सामान्य तथा पहाडी क्षेत्रमा आंशिक बदली कायम रहनेछ। कोशीका हिमाली–पहाडी भूभाग तथा बागमती, गण्डकी र कर्णालीका हिमाली क्षेत्रमा हल्का वर्षा वा हिमपात हुन सक्ने मौसमविद्ले बताएका छन्।...