वीरगन्ज । लिखत सम्बन्धी कसुरको मुद्दामा पक्राउ पुर्जी जारी भएपछि फरार रहेका वीरगन्ज महानगरपालिकाका मेयर राजेशमान सिंहलाई पर्सा प्रहरीले पक्राउ गरेको छ।
जिल्ला प्रहरी कार्यालय पर्साका अनुसार ठोरी क्षेत्रमा लुकीछिपी बसेको अवस्थामा विशेष सूचनाका आधारमा उनलाई नियन्त्रणमा लिइएको हो। स्थानीय लियाकत अलीको जाहेरीपछि जिल्ला अदालत पर्साले मेयर सिंहसहित तीन जनाविरुद्ध पक्राउ पुर्जी जारी गरेको थियो।
पक्राउ परेका सिंहलाई प्रहरी हिरासतमा राखेर थप अनुसन्धान भइरहेको प्रहरीले जनाएको छ।
