Day: January 3, 2026

काठमाडौं । नेपाल कम्युनिस्ट पार्टी (माओवादी) ले समाजवादी भेनेजुएलामाथि गरिएको अमेरिकी सैन्य हमला साम्राज्यवादी हस्तक्षेप भएको ठहर गरेको छ। पार्टीका महासचिव विप्लवले जारी गरेको विज्ञप्तिमा लागुपदार्थ ओसारपसारको कृतिम आरोप लगाएर सार्वभौम मुलुकमाथि विध्वंसकारी आक्रमण गरिएको भन्दै कडा भर्त्सना गरिएको छ। विज्ञप्तिमा भनिएको छ, फरक विचार र सत्ता सञ्चालनकै कारण गरिएको हमला राष्ट्रको सार्वभौमिकता, राजनीतिक तथा विचार स्वतन्त्रता र मानवअधिकारको ठाडो उल्लङ्घन हो। माओवादीले अमेरिकालाई तत्काल आक्रमण रोक्न र समस्या वार्ता तथा सहमतिमार्फत समाधान गर्न माग गरेको छ। साथै विश्व राजनीतिक शक्ति, मानवअधिकारकर्मी र नागरिक समाजलाई सशक्त पहल गर्न आग्रह गरिएको छ।...

काठमाडौं । अमेरिकाले भेनेजुएलाका राष्ट्रपति निकोलस मादुरो र उनकी पत्नीलाई नियन्त्रणमा लिएको दाबी गरेको छ। अमेरिकी राष्ट्रपति डोनाल्ड ट्रम्पले सामाजिक सञ्जाल ‘ट्रुथ सोशल’ मार्फत मादुरो दम्पतीलाई पक्राउ गरी देशबाहिर लगिएको उल्लेख गरेका छन्। ट्रम्पका अनुसार भेनेजुएलामा अमेरिकाले ठूलो सैन्य कारबाही गरेको छ। शनिबार राजधानी काराकाससहित विभिन्न सैन्य क्षेत्रमा विस्फोट र धुवाँ देखिएको प्रत्यक्षदर्शीले बताएका छन्। मादुरो नेतृत्वको सरकारले भने यसलाई अमेरिकी सैन्य आक्रमण भन्दै कडा निन्दा गरेको छ र राष्ट्रिय आपतकाल घोषणा गरेको छ। अमेरिकाले मादुरोलाई चुनावी धाँधली र ‘नार्को–राज्य’ सञ्चालनको आरोप लगाउँदै आएको छ।...

झापाको कनकाई नगरपालिका–४ स्थित माईखोला पुल नजिक राखिएको शंकास्पद बम नेपाली सेनाले सुरक्षित रूपमा निष्क्रिय पारेको छ। घटनास्थलमा फेला परेको पर्चामा आफूहरूलाई ‘सनातन सुरक्षा सेना नेपाल’ नामक समूहको रूपमा चिनाइएको प्रहरीले जनाएको छ। प्रहरीका अनुसार उक्त पर्चामा नेपालमा राजसंस्था पुनःस्थापना गर्नुपर्ने, देशलाई वैदिक सनातन हिन्दू राष्ट्र घोषणा गर्नुपर्ने माग गरिएको छ। साथै, धर्मनिरपेक्षताको विरोध गर्दै आगामी फागुन २१ गते हुने निर्वाचन पूर्ण रूपमा बहिष्कार गर्ने चेतावनीसमेत दिइएको छ। घोषणापत्रका रूपमा सार्वजनिक गरिएको पर्चामा राजसंस्था पुनःस्थापना र नेपाललाई वैदिक सनातन हिन्दू राष्ट्र घोषणा नगरिएसम्म निर्वाचन अस्वीकार गर्ने उल्लेख गरिएको छ। घटनापछि सुरक्षाकर्मीहरूले क्षेत्रमा निगरानी बढाएका छन् भने बम राख्ने समूहको खोजी तीव्र बनाइएको प्रहरीले जनाएको छ।...

दाङ । घोराहीमा आज माघ सांस्कृतिक महोत्सव हुने भएको छ । थारू कल्याणकारिणी सभा दाङको आयोजनामा आज शनिवार घोराहीमा एकदिने माघ सांस्कृतिक महोत्सव–२०८२ हुन लागेको हो । घोराहीको जिल्ला समन्वय समितिको प्राङ्गणमा हुन लागेको महोत्सवको सम्पूर्ण तयारी पूरा भएको पत्रकार सम्मेलनमा महोत्सव मूल आयोजक समितिका संयोजक तथा सभाका अध्यक्ष अशोक चौधरीले जानकारी दिएका छन् । थारू समुदायको मौलिक कला, संस्कृति, भेषभूषा तथा परम्पराको संरक्षण र प्रवर्धन गर्ने उद्देश्यले महोत्सव आयोजना गरिएको उनले बताए । महोत्सवमा सात दर्जन बढी मघौटा नाच, छोक्रा, हुर्डुङ्ग्या नाच, ढुम्री गीतको प्रस्तुतिलगायत विविध सांस्कृतिक कार्यक्रम प्रस्तुतह गरिने अध्यक्ष चौधरीले जानकारी दिए । राष्ट्रिय तथा स्थानीय थारू कलाकारको पनि आकर्षक प्रस्तुति रहने उनले बताए । आर्थिक जागरण व सांस्कृतिक रूपान्तरण हमार अभियान, समाजिक न्यायसहितके समृद्धिम...

मकवानपुर। नेपाल कम्युनिष्ट पार्टी (बहुमत) द्वारा सञ्चालन भइरहेको जनसंविधानका लागि जनसंघर्ष अभियान अन्तर्गत मकवानपुरको हेटौँडा उपमहानगरपालिका–चिसापानी बजारमा अभियान सभा सम्पन्न भएको छ। मकवानपुर जिल्ला इन्चार्ज अग्रिमको प्रमुख आतिथ्यतामा सम्पन्न उक्त सभामा पार्टीका केन्द्रीय सल्लाहकार पेन्सन लामा, शहीद परिवारको तर्फबाट उदय गोले तथा विभिन्न तहका नेता–कार्यकर्ताहरूको उल्लेख्य उपस्थिति रहेको थियो। सभामा वक्ताहरूले मुलुकको वर्तमान राजनीतिक अवस्था गम्भीर संकटतर्फ उन्मुख रहेको टिप्पणी गर्दै दलाल तथा संसदवादी सत्ताले जनताको हितविपरीत काम गरिरहेको आरोप लगाए। विदेशी हस्तक्षेपका कारण देश अस्थिर बनेको र वर्तमान सरकारले जनआन्दोलन तथा बलिदानको सम्मान गर्न नसकेको उनीहरूको दाबी थियो। वक्ताहरूले वर्तमान संविधान खारेज गरी नयाँ जनमुखी संविधान निर्माण गर्नुपर्ने, स्वाधीन संयुक्त सरकार गठन गर्नुपर्ने...

दाङ — नेपाल मगर संघ घोराहीले “दोस्रो पर्यटन तथा सांस्कृतिक प्रदर्शनी माघे मेला २०८२” आयोजना गर्ने भएको छ। संघले पुस २५ देखि माघ १० गतेसम्म घोराही ट्राफिक चोक नजिक मेला सञ्चालन गर्ने घोषणा गरेको हो। मगर समुदायको संस्कृति संरक्षण र प्रवर्द्धनका लागि मेला आयोजना गर्न लागिएको संघका अध्यक्ष बेदबहादुर बुढा मगरले जानकारी दिनुभयो। महोत्सवलाई व्यवस्थित गर्न अध्यक्ष मगरको संयोजकत्वमा मूल आयोजक समिति तथा ९ वटा उपसमिति गठन गरिएको छ। मेलामा जातिगत भेषभूषा र खानाका परिकारका स्टल, बाल उद्यान, राष्ट्रिय तथा स्थानीय कलाकारहरूको प्रस्तुति रहनेछ। साथै डान्स आइडल, टिकटक र दोहोरी प्रतियोगिता पनि सञ्चालन हुनेछन्। महोत्सवको संरक्षक घोराही उपमहानगरपालिका, दाङ रहेको छ।...

झापा — कनकाई नगरपालिका–४ अन्तर्गत पूर्व–पश्चिम राजमार्गमा आज बिहान शङ्कास्पद झोला फेला परेपछि सुरक्षा सतर्कता बढाइएको छ। कनकाई पुलको पूर्वतर्फ राजमार्गको छेउमा भेटिएको झोलाभित्र प्रेसर कुकर राखिएको र झोलाबाट तारजस्तो वस्तु बाहिर निस्किएको देखिएको हो। स्थानीयले असामान्य वस्तु देखेपछि तुरुन्तै सुरक्षा निकायलाई खबर गरेका थिए। त्यसलगत्तै प्रहरी टोली घटनास्थलमा पुगेर क्षेत्र शिलबन्दी गरेको छ। प्रमुख जिल्ला अधिकारी शिवराम गेलालका अनुसार उक्त वस्तुको यकिन प्रकृति खुल्न बाँकी रहेकाले पहिचान र सुरक्षित रूपमा डिस्पोज गर्ने तयारी भइरहेको छ। जोखिम न्यूनीकरणका लागि सवारीसाधन र यात्रुहरूको आवागमन राजमार्गको अर्को छेउबाट सञ्चालन गरिएको छ। जिल्ला प्रहरी कार्यालय झापाका प्रवक्ता खगेन्द्रबहादुर खड्काले शङ्कास्पद वस्तु निष्क्रिय पार्न नेपाली सेनाको डिस्पोजल टोलीलाई बोलाइसकिएको जानकारी दिए। सुरक्षा निका...