Day: March 6, 2026

काठमाडौँ । प्रतिनिधिसभा सदस्यका लागि भएको निर्वाचनमा उज्यालो नेपाल पार्टीका अध्यक्ष कुलमान घिसिङ काठमाडौं–३ बाट पराजित भएका छन्। संसदीय राजनीतिमा पहिलो पटक चुनावी मैदानमा उत्रिएका घिसिङलाई राजुनाथ पाण्डे ले पराजित गरेका हुन्। अन्तिम मतपरिणाम अनुसार पाण्डेले १८ हजार ७५७ मत प्राप्त गरी विजयी भए भने घिसिङले ११ हजार १७१ मत ल्याए। यससँगै घिसिङ ७ हजार ५८६ मतान्तरले पराजित भएका छन्। पूर्व महानगर प्रहरी प्रमुख समेत रहेका पाण्डे राष्ट्रिय स्वतन्त्र पार्टी का उम्मेदवार हुन्। विद्युत् प्राधिकरणको नेतृत्व सम्हाल्दा देशलाई लोडसेडिङमुक्त बनाउन सफल भएका घिसिङ लोकप्रिय प्रशासकका रूपमा चिनिन्थे। तर राजनीतिक यात्राको पहिलो चुनावमै उनी पराजित भएका छन्। रास्वपासँग केही समय एकता प्रयास गरेपछि छुट्टै पार्टी बनाएर चुनाव लडेका घिसिङले अपेक्षित समर्थन भने प्राप्त गर्न सकेनन्।...

  कालिकाेट । कालिकोटबाट प्रतिनिधिसभा सदस्यका लागि चुनाव लडेका बिप्लव नेतृत्वकाे नेकपा माओवादी पार्टीका प्रवक्ता खड्गबहादुर विश्वकर्मा ‘प्रकाण्ड’ चौथो स्थानमा सीमित भएका छन्। निर्वाचनअघि सामाजिक सञ्जालमा सार्वजनिक भिडियोमा उनले सबै दल एकजुट भए पनि आफूले चुनाव जित्ने दाबी गरेका थिए। तर अन्तिम मतपरिणाम सार्वजनिक हुँदा प्रकाण्ड अपेक्षित प्रतिस्पर्धामा आउन सकेनन्। चुनावमा महेन्द्रबहादुर शाही ११ हजार ३३८ मतसहित विजयी भए। नगीन्द्रबहादुर शाही ले १० हजार ३५२ मत ल्याउँदा हर्षबहादुर बम ले ७ हजार १३३ मत प्राप्त गरे। प्रकाण्डले भने ४ हजार ५९९ मत मात्रै पाए। १८ वर्षपछि निर्वाचनमा फर्किएका प्रकाण्डले गुलाफ चिन्ह लिएर चुनाव लडेका थिए। एक समय माओवादी आन्दोलनका कर्णाली क्षेत्रका प्रभावशाली नेतामध्ये मानिने उनी पछिल्लो समय विप्लव नेतृत्वको पार्टीमा सक्रिय छन्। यसअघि पुष्पकमल दाहाल नेतृत्वको ...

सुदुरपश्चिम । नेपाल कम्युनिस्ट पार्टी (बहुमत)ले फागुन २१ गते सम्पन्न प्रतिनिधि सभा निर्वाचन बहिष्कारको आफ्नो आह्वानलाई समर्थन गर्ने सबैप्रति आभार व्यक्त गरेको छ। पार्टीको ७ नम्बर ब्यूरो कार्यालयले शुक्रबार प्रेस वक्तव्य जारी गर्दै सुदूरपश्चिम प्रदेशका नौ वटै जिल्लामा रहेका पार्टीका जिम्मेवार कार्यकर्ता, समर्थक, परिवारजन तथा न्यायप्रेमी जनसमुदायले प्रत्यक्ष तथा अप्रत्यक्ष रूपमा निर्वाचन बहिष्कार अभियानलाई सफल बनाउन भूमिका खेलेको भन्दै धन्यवाद दिएको हो। वक्तव्यमा विशेष गरी दार्चुला जिल्लाको नौगाड गाउँपालिका–१ नागु मतदान केन्द्र, अपि हिमाल गाउँपालिका–३ दुधिला (झाक्यु) मतदान केन्द्र तथा बझाङ जिल्लाको तालकोट गाउँपालिका–४ लुकड मतदान केन्द्रका नागरिकहरूले निर्वाचनलाई पूर्ण रूपमा बहिष्कार गरेको दाबी गरिएको छ। पार्टीले वर्तमान संसदीय व्यवस्थाले नेपाली जनताको वास्तविक आकांक्षा, अधिकार र भविष्यको ...

काठमाडौं । मेडिकल व्यवसायी दुर्गा प्रसाईंलाई थुनामुक्त गर्न सर्वोच्च अदालतले आदेश दिएको छ। न्यायाधीश महेश शर्मा पौडेलको एकल इजलासले प्रसाईंलाई थुनामुक्त गर्न आदेश जारी गरेको हो। जिल्ला प्रहरी परिसर काठमाडौंको हिरासतमा रहेका प्रसाईंले आफूलाई गैरकानुनी रूपमा थुनामा राखिएको भन्दै बन्दी प्रत्यक्षीकरणको रिट दायर गरेका थिए। सोही रिटमाथि शुक्रबार सुनुवाइ गर्दै अदालतले उनलाई थुनामुक्त गर्न आदेश दिएको हो। प्रसाईं यसअघि प्रहरीले नियन्त्रणमा लिएर जिल्ला प्रहरी परिसर काठमाडौंको हिरासतमा राखेको थियो। अदालतको आदेशपछि उनलाई रिहा गर्ने प्रक्रिया अघि बढ्ने बताइएको छ।...

काठमाडौं । नेपाल कम्युनिष्ट पार्टी माओवादीका महासचिव गौरवले कथित दलाल संसदीय व्यवस्थाअन्तर्गत भएको निर्वाचन बहिष्कार गर्ने सम्पूर्ण नेता–कार्यकर्ता, समर्थक र जनतालाई धन्यवाद व्यक्त गरेका छन्। पार्टीद्वारा जारी प्रेस विज्ञप्तिमा देशभरका विभिन्न जिल्ला तथा समुदायले निर्वाचन बहिष्कार गरेको भन्दै त्यसप्रति कृतज्ञता व्यक्त गरिएको छ। विज्ञप्तिमा भनिएको छ,  ओखलढुंगा, दाङ, सल्यान लगायतका जिल्लामा पार्टीका विभिन्न जिम्मेवार कम्रेडहरू, जिल्ला पार्टी ब्युरो, पार्टी कमान्ड, राष्ट्रिय जनमुक्ति सेना नेपाल तथा आम जनसमुदायले सशक्त रूपमा निर्वाचन बहिष्कार गरेको उल्लेख गरिएको छ। महासचिव गौरवले नेपाली जनताको भावना विपरीत गरिएको संसदीय निर्वाचनलाई व्यापक जनसमर्थन प्राप्त नभएको दाबी गर्दै कुल जनसंख्याको करिब ४०–४५ प्रतिशतले मात्र मतदान गरेर देशमा दिगो शान्ति कायम हुन नसक्ने बताएका छन्। विज्ञप्तिमा मतद...

काठमाडौं । विश्वप्रकाश शर्माले मतदाताको निर्णय स्वीकार्य रहेको बताएका छन्। फागुन २१ मा भएको प्रतिनिधिसभा निर्वाचनको मतगणनामा धेरै स्थानमा राष्ट्रिय स्वतन्त्र पार्टी (रास्वपा) का उम्मेदवार अगाडि देखिएपछि उनले यस्तो प्रतिक्रिया दिएका हुन्। सामाजिक सञ्जाल एक्समा उनले ‘बुलेटबाट उदाएको माओवादीलाई स्वागत गरेजस्तै ब्यालेटबाट आउँदै गरेको रास्वपालाई पनि स्वागत’ गर्ने उल्लेख गरेका छन्। साथै देशका मुख्य मुद्दामा साथ र खबरदारी दुवै जारी रहने उनले बताएका छन्।...

लेखक ः उदय बहादुर चलाउने 'दिपक' भेनेज्वेलामाथिकाे अमेरिकी सैन्य आक्रमण तथा रूस र चीनजस्ता शक्ति राष्ट्रहरूकाे प्रतिक्रियाहिन स्थितिले भिन्नरूपमा नवउदारवादी साम्राज्यकाे नयाँ विश्व विभाजन र नयाँ विश्व युद्धकाे तथ्य उजागर गर्दछ । महाशक्ति राष्ट्रहरूबीचकाे अन्तरबिराेध अब प्रत्येक्ष युद्ध नभएर छद्म युद्ध र मुलतः सम्झाैता रहन गएकाे छ । यसले हरेक स्वतन्त्र राष्ट्रहरूकाे अस्तित्वलाई भयङ्कर ठुलाे संकटमा धकेलिदिएकाे छ । अत्यन्तै साेचनिय कुरा के छ भने जसरी भेनेज्वेलाका राष्ट्रपति र उनकी पत्नीकाे गिरफ्तारीमा बाहिरबाट अमेरिकी सेना पुग्याे त्याे भन्दा खतरनाक अमेरीकि सेना भेनेज्वेलाका नागरिकहरूकाे अनुहारमा देश भित्रै तमाम छन् । प्रत्येक देशमा शक्तिराष्ट्रका दलालहरू त्याे देशका सबैभन्दा खतरनाक दुश्मन हुन् । अब प्रश्न जन्मिन्छ- के ती स्वतन्त्र देशहरूमा रहेकाे अरबाैंकाे जनता मुठ्ठीभर शक्ति राष्ट...

काठमाडौं । घनश्याम भुसालले कम्युनिस्ट आन्दोलनको वर्तमान संकटका लागि केपी शर्मा ओली र पुष्पकमल दाहाल (प्रचण्ड) लाई मुख्य जिम्मेवार ठहर गरेका छन्। सामाजिक सञ्जालमार्फत भिडियो सन्देश सार्वजनिक गर्दै उनले यी दुई नेताको सत्तालिप्सा र नेतृत्वको असफलताले कम्युनिस्ट आन्दोलन कमजोर बनेको बताएका छन्। २०७४ सालको निर्वाचनपछि कम्युनिस्टहरूले प्राप्त गरेको ठूलो राजनीतिक अवसर केपी ओलीको व्यक्तिवादी महत्वाकांक्षाका कारण गुमेको उनको आरोप छ। उनले पार्टी विभाजनपछि पनि नेतृत्वले पाठ नसिकेको भन्दै ओली र प्रचण्ड दुवैले सत्ता नछाड्नु आन्दोलनमाथिको अर्को घात भएको टिप्पणी गरे। भुसालले जनयुद्ध र त्यसपछिका उपलब्धिलाई सही दिशामा लैजान नसकिएको भन्दै अब कम्युनिस्ट आन्दोलन जोगाउन ओली र प्रचण्डले नेतृत्व नयाँ पुस्तालाई हस्तान्तरण गर्नुपर्ने बताएका छन्। साथै उनले वामपन्थी समर्थक र कार्यकर्तालाई निराश नहुन आग्रह गर्दै आन...