Day: March 22, 2026

अमेरिकी राष्ट्रपति डोनाल्ड ट्रम्प ले इरान अब अमेरिकाका लागि खतरा नरहेको घोषणा गर्दै देश भित्रै नयाँ ‘सबैभन्दा ठूलो दुश्मन’को रुपमा डेमोक्र्याट पार्टीलाई औँल्याएका छन्। ट्रम्पले सामाजिक सञ्जालमार्फत लेखेका छन्, “इरानको अन्त्य भएपछि अब अमेरिकामा सबैभन्दा ठूलो दुश्मन डेमोक्र्याट हुन्।” यसअघि फेब्रुअरी २८ देखि अमेरिका–इजरायल सेनाबीच सुरु भएको द्वन्द्वमा सहयोगका लागि उनले नाटो र बेलायतसँग जोड मागेका थिए। यसैबीच, ट्रम्पले अमेरिकी विमानस्थलमा आप्रवासन नियन्त्रण कडा गर्ने संकेत पनि दिएका छन्। उनले सोमबार, मार्च २३ देखि आईसीई (अमेरिकी आप्रवासन तथा भन्सार प्रवर्तन) का अधिकारीहरू परिचालन गरिने चेतावनी दिएका छन्। उनका अनुसार, अवैध आप्रवासन र आन्तरिक सुरक्षा सुनिश्चित गर्न यो कदम चालिएको हो। ट्रम्पको यस कदम र अभिव्यक्तिपछि अमेरिकी राजनीतिक दलहरूबीच विवाद बढ्ने अनुमान गरिएको छ। विपक्षी दलहरूले ...

काठमाडौं । नेपाली कांग्रेसको केन्द्रीय समिति बैठकमा नेतृ नानु बास्तोला ले पार्टीले पछिल्लो निर्वाचन परिणामलाई गम्भीर रूपमा समीक्षा गर्नुपर्ने बताएकी छन्। उनले लोकतान्त्रिक अभ्यासमा हार र जित दुवैलाई स्वाभाविक रूपमा स्वीकार्दै आत्मसमिक्षा गरेर अघि बढ्नुपर्ने धारणा राखिन्। बैठकमा बोल्दै बास्तोलाले लोकतन्त्रमा कहिलेकाहीँ जित र कहिलेकाहीँ हार हुने यथार्थलाई स्वीकार्न नसके पार्टी कमजोर हुने चेतावनी दिइन्। निर्वाचन परिणामलाई केवल सफलताका रूपमा मात्र नहेरी असफलताबाट पनि सिक्ने संस्कार विकास गर्नुपर्ने उनको भनाइ थियो। उनले चुनावी हारको सम्पूर्ण जिम्मेवारी पार्टी सभापतिमाथि मात्र थोपर्नु उचित नहुने बताउँदै सत्तामा रहँदा गरिएका निर्णय, जिम्मेवारी दिइएका व्यक्तिहरू, गठबन्धन सरकारका सहमतिहरूको कार्यान्वयन तथा जनअपेक्षाको सम्बोधन भए-नभएको विषयमा गम्भीर समीक्षा गर्नुपर्नेमा जोड दिइन्। बास्तोलाल...

काठमाडौं । गगन कुमार थापाले दिएको राजीनामा नेपाली कांग्रेस केन्द्रीय कार्यसमितिले अस्वीकार गरेको छ। आइतबार बसेको बैठकले सर्वसम्मत रूपमा राजीनामा नस्वीकार्ने निर्णय गर्दै थापालाई नेतृत्वमै रहन आग्रह गरेको हो। प्रतिनिधिसभा निर्वाचनको परिणामपछि नैतिक जिम्मेवारी लिँदै थापाले राजीनामा दिएका थिए। तर बैठकपछि प्रवक्ता देवराज चालिसेले वर्तमान राष्ट्रिय परिस्थितिमा थापाको नेतृत्व आवश्यक रहेको निष्कर्ष निकालिएको बताए। उनका अनुसार राजीनामा स्वेच्छिक विषय भएकाले स्वीकार गर्दा पार्टीभित्र अस्थिरता र कार्यकर्तामा निराशा बढ्ने ठहर गरिएको हो। राजीनामा दिएपछि थापा परिवारसहित पोखरा गएका थिए भने आइतबार मात्र काठमाडौं फर्किएका छन्।...

रुकुमपश्चिममा बेपत्ता भएका तीन दिदीबहिनी सबैको शव सानीभेरी नदीमा फेला परेको छ। आइतबार मुसीकोट नगरपालिका–१३ छिवाङ नजिकै १३ वर्षीया सपना ओलीको शव भेटिएसँगै घटनामा हराएका तीनै जनाको मृत्यु पुष्टि भएको हो। यसअघि फागुन २६ गते बाँफिकोट गाउँपालिका–३ भाग्ले नजिक सानीभेरी नदीमा १४ वर्षीया कल्पना ओली र १२ वर्षीया उर्मीला ओलीको शव फेला परेको थियो। सपना भने बेपत्ता रहँदै आएकी थिइन्। हराएको १३ दिनपछि उनको शव नदी किनारमा भेटिएको प्रहरीले जनाएको छ। प्रहरीका अनुसार तीनै जना दिदीबहिनी आफन्तको विवाहमा सहभागी हुन मुसीकोट–१ भलखोलागाउँ गएका थिए। फर्किने क्रममा सानीभेरी नदी तर्ने बेला बगेको हुनसक्ने प्रारम्भिक अनुमान गरिएको छ। गरालागोठ र भलखोला गाउँबीच सानीभेरी नदी पर्ने भएकाले जंघार तर्दा दुर्घटना भएको आशंका गरिएको छ। मृतक तीनै जना एकै घरका दिदीबहिनी हुन्। घटनापछि परिवार र गाउँ शोकमा डुबेको छ। शव परीक...

घोराही, ८ चैत घोराहीमा जारी लुम्बिनी प्रदेश स्तरिय महोत्सवमा दैनिक विशेष कार्यक्रम अन्तरगत सोमवार कृषी प्रदर्शनी गरिने भएको छ । महोत्सवमा विशेष आकर्षणको रुपमा कृषी प्रदर्शनी गर्ने तयारी रहेको आयोजक मूल समितिले जानकारी दिएको छ । नेपाल घरेलु तथा साना उद्योग महासंघ जिल्ला शाखा दाङको आयोजना फागुन २८ देखी चैत १५ गतेसम्म आयोजना गरिएको ‘साना तथा घरेलु उद्योगको विकास र विस्तार, लुम्बिनी प्रदेशको समृद्धिको आधार’ भन्ने नारा सहित आयोजना गरिएको महोत्सव ‘लुम्बिनी प्रदेश स्तरिय साना तथा घरेलु उद्योग, सांस्कृतिक, पर्यटन तथा कृषी महोत्सव–२०८२’ मा सोमवार कृषी विशेष कार्यक्रम अन्तरगत किसानहरुले उत्पादन गरेका वस्तुहरुको प्रदर्शनी गरिने महोत्सव आयोजक मूल समितिका संयोजक लव अधिकारीले जानकारी दिनुभयो । कार्यक्रम अन्तरगत माटोको उपचार शिविर, बालि उपचार शिविरसँगै कृषी प्रदर्शनी हुनेछ । किसानहरुको खेतबारीको...

कपिलवस्तुको महाराजगञ्ज क्षेत्रमा दुई समुदायबीच भएको विवादपछि उत्पन्न तनाव नियन्त्रण गर्न स्थानीय प्रशासनले लगाएको निषेधाज्ञालाई आइतबार पनि निरन्तरता दिएको छ। जिल्ला प्रशासन कार्यालय अगाडि प्रदर्शन भएपछि निषेधाज्ञाको दायरा थप विस्तार गरिएको हो। शनिबार महाराजगञ्ज नगरपालिका–२ वर्गदामा झडप भएपछि प्रशासनले बर्गदी पुलदेखि बहादुरगञ्ज चोक, महाराजगञ्ज बजारदेखि हर्दौना क्षेत्रसम्म भेला, जुलुस र प्रदर्शनमा रोक लगाएको छ।प्रमुख जिल्ला अधिकारी जनार्दन गौतमका अनुसार सर्वपक्षीय बैठक बसेको छ र अर्को आदेश नभएसम्म निषेधाज्ञा कायम रहनेछ। ईद र नवरात्रका क्रममा सीमा क्षेत्रमा भएको विवाद उग्र बनेपछि प्रहरीले अश्रुग्यास प्रहार गरेको थियो। झडपमा सुरक्षाकर्मी र स्थानीय गरी करिब २० जना घाइते भएका छन्। प्रशासनले सबैलाई सामाजिक सद्भाव कायम राख्न अपिल गरेको छ।...

सुर्खेत । कर्णाली प्रदेशको सुर्खेतमा मृत भेटिएकी १६ वर्षीया इनिशा विक को मृत्यु प्रकरणको अनुसन्धान अझै नसकिएको प्रहरीले जनाएको छ। घटनापछि दुई सातादेखि उनको शव कर्णाली प्रादेशिक अस्पतालको शवगृहमा राखिएको छ भने परिवारले सामूहिक बलात्कारपछि हत्या भएको भन्दै दोषीलाई कडा कारबाही गर्न माग गरिरहेका छन्। जिल्ला प्रहरी कार्यालय सुर्खेतका सूचना अधिकारी प्रहरी नायव उपरीक्षक मोहनजंग बुढथापा का अनुसार घटनाको वास्तविकता पत्ता लगाउन मोबाइल परीक्षण, भजाइनल स्वाब, टक्सिकोलोजिकल तथा बायोसेरोलोजिकल परीक्षणका लागि नमुना केन्द्रीय विधि विज्ञान प्रयोगशालामा पठाइएको छ। ती रिपोर्ट आएपछि मात्रै निष्कर्षमा पुगिने प्रहरीले जनाएको छ। प्रहरीले प्रेम सम्बन्ध रहेको भनिएका १६ वर्षीय एक किशोरसहित चार जनालाई पक्राउ गरी जबरजस्ती करणी र कर्तव्य ज्यानसम्बन्धी मुद्दामा अनुसन्धान गरिरहेको छ। घटनाबारे थप प्रमाण संकलन गर्न ...

कास्की । पोखरा महानगरपालिका–१७ बस्ने उषा सेरचनको घरमा जुवातास खेलिरहेको अवस्थामा सोही महानगरपालिका–९ पृथ्वीचोक बस्ने ६० वर्षीय भुपेन्द सेरचन लगायत ११ जनालाई शनिबार राति प्रहरीले पक्राउ गरेको छ। नेपाल प्रहरी अन्तर्गत वडा प्रहरी कार्यालय बैदामबाट खटिएको टोलीले उनीहरूलाई नगद ३ लाख ४६ हजार ९ सय ६५ रुपैयाँ र १० बुक तास सहित नियन्त्रणमा लिएको हो। पक्राउ परेकामध्ये भुपेन्द सेरचनको नाम खुलेको छ भने अन्य व्यक्तिहरूको नाम प्रहरीले सार्वजनिक गरेको छैन। घटनाबारे थप अनुसन्धान भइरहेको प्रहरीले जनाएको छ।...

काभ्रेपलाञ्चोक — उत्पादन राम्रो भए पनि बजार नपाउँदा काभ्रेपलाञ्चोकका किसान चिन्तित बनेका छन्। जिल्लाको पाँचखाल, मण्डनदेउपुर, नाला र पनौती क्षेत्रमा किसान यतिबेला धमाधम आलु खनिरहेका छन्, तर मूल्य घटेपछि बिक्रीमा समस्या भएको छ। किसानका अनुसार अहिले आलु प्रतिकिलो ७ देखि १० रुपैयाँसम्ममा मात्र बिक्री भइरहेको छ, जबकि उत्पादन लागत नै १८–२० रुपैयाँ पर्ने बताइएको छ। व्यापारी खेतसम्म आउन छाडेपछि किसान आफैं बजार खोज्न बाध्य भएका छन्। पाँचखालका किसान रामेश्वर सापकोटाले भाउ नपाउँदा आलु खन्ने कि नखन्ने अन्योल भएको बताए। “खनौँ भने भाउ छैन, नखनौँ भने कुहिने डर छ,” उनले भने। नगर कृषि शाखाका अनुसार पाँचखाल क्षेत्रमा मात्रै करिब ७० हजार रोपनीमा आलुखेती गरिएको छ। मूल्य घटेकै कारण किसानले करोडौँ रुपैयाँ बराबरको घाटा व्यहोर्नुपर्ने अनुमान गरिएको छ। स्थानीय किसानले सरकारले बजार व्यवस्थापन, भण्डारण र प्...

काठमाडौं । नेपाली बजारमा आइतबार सुनको मूल्यमा ठूलो गिरावट आएको छ। नेपाल सुनचाँदी व्यवसायी महासंघका अनुसार सुन प्रतितोला १२ हजार ५०० रुपैयाँले घट्दै २ लाख ८२ हजार रुपैयाँमा झरेको हो। शुक्रबार भने सुन २ लाख ९४ हजार ५०० रुपैयाँमा कारोबार भएको थियो। यस्तै, चाँदीको मूल्य पनि घटेको छ। चाँदी प्रतितोला ३५५ रुपैयाँले घटेर ४ हजार ५४० रुपैयाँ कायम भएको छ। शुक्रबार चाँदी ४ हजार ८९५ रुपैयाँमा कारोबार भएको थियो।...