कास्की । पोखरा महानगरपालिका–१७ बस्ने उषा सेरचनको घरमा जुवातास खेलिरहेको अवस्थामा सोही महानगरपालिका–९ पृथ्वीचोक बस्ने ६० वर्षीय भुपेन्द सेरचन लगायत ११ जनालाई शनिबार राति प्रहरीले पक्राउ गरेको छ।
नेपाल प्रहरी अन्तर्गत वडा प्रहरी कार्यालय बैदामबाट खटिएको टोलीले उनीहरूलाई नगद ३ लाख ४६ हजार ९ सय ६५ रुपैयाँ र १० बुक तास सहित नियन्त्रणमा लिएको हो।
पक्राउ परेकामध्ये भुपेन्द सेरचनको नाम खुलेको छ भने अन्य व्यक्तिहरूको नाम प्रहरीले सार्वजनिक गरेको छैन। घटनाबारे थप अनुसन्धान भइरहेको प्रहरीले जनाएको छ।
