Day: March 23, 2026

काठमाडौं। अमेरिकी राष्ट्रपति डोनाल्ड ट्रम्प ले इरानसँग भएको पछिल्लो वार्ता सकारात्मक भएको दाबी गर्दै इरानविरुद्ध जारी सैन्य आक्रमण पाँच दिनका लागि स्थगित गर्ने निर्णय गरिएको बताएका छन्। अन्तर्राष्ट्रिय सञ्चारमाध्यम सिएनएन का अनुसार ट्रम्पले इरानी अधिकारीहरूसँग भएको छलफलपछि केही समयका लागि तनाव कम गर्ने सहमति बनेको जानकारी दिएका हुन्। यसअघि ट्रम्पले स्ट्रेट अफ हर्मुज तत्काल खुला नगरिए इरानका प्रमुख ऊर्जा केन्द्रहरूमा आक्रमण गर्ने चेतावनी दिएका थिए। तर पछिल्लो वार्तापछि कूटनीतिक प्रयासलाई अवसर दिन पाँच दिनसम्म कुनै सैन्य कारबाही नगर्ने निर्णय गरिएको उनले बताएका छन्। अमेरिका र इरानबीच बढ्दो तनावका बीच आएको यो निर्णयलाई परिस्थिती सहज बनाउन गरिएको अस्थायी कदमका रूपमा हेरिएको छ।...

घोराही, ९ चैत घोराहीमा जारी लुम्बिनी प्रदेश स्तरिय महोत्सवमा दैनिक विशेष कार्यक्रम अन्तरगत सोमवार कृषी विशेष कार्यक्रम भएको छ । महोत्सवमा विशेष आकर्षणको रुपमा कृषी विशेष कार्यक्रम सम्पन्न भएको हो । नेपाल घरेलु तथा साना उद्योग महासंघ जिल्ला शाखा दाङको आयोजना फागुन २८ देखी चैत १५ गतेसम्म आयोजना गरिएको ‘साना तथा घरेलु उद्योगको विकास र विस्तार, लुम्बिनी प्रदेशको समृद्धिको आधार’ भन्ने नारा सहित आयोजना गरिएको महोत्सव ‘लुम्बिनी प्रदेश स्तरिय साना तथा घरेलु उद्योग, सांस्कृतिक, पर्यटन तथा कृषी महोत्सव–२०८२’ मा सोमवार कृषी विशेष कार्यक्रम अन्तरगत किसानहरुले उत्पादन गरेका वस्तुहरु, कृषी सामाग्री, कृषी यन्त्रहरुको प्रदर्शनी गरिएको हो । कार्यक्रममा केरा, साग, तोरी, बन्दा गोभी, मुला, गहँु, जौँ, स्टबेरी, सुर्यमखी, गड्यौलाको मल, फर्सी, आलु, कृषी यन्त्रहरु ट्याक्टर, हाते ट्याक्टर, मील, पम्पसेट, जेनेरे...

काठमाडौं । राष्ट्रिय स्वतन्त्र पार्टी ले राजनीतिक आधारमा नियुक्ति भएका पदाधिकारीलाई नयाँ सरकार गठनको क्रममा पद त्याग गरेर मार्गप्रशस्त गर्नुपर्ने धारणा सार्वजनिक गरेको छ। पार्टीका महामन्त्री कबिन्द्र बुर्लाकोटी ले बदलिँदो राजनीतिक अवस्थासँगै सरकार फेरिने भएकाले प्रत्यक्ष राजनीतिक निर्णयबाट नियुक्ति पाएका व्यक्तिहरूले पदमा बसिरहनु उपयुक्त नहुने बताए। उनले योग्यता र प्रतिस्पर्धाको आधारमा नियुक्ति भएकालाई भने स्वतः हट्नुपर्ने अवस्था नहुने स्पष्ट पारे। तर प्रक्रिया मात्र पूरा गरेर वा राजनीतिक पहुँचका आधारमा जिम्मेवारी पाएकाहरूले नयाँ सरकारलाई काम गर्न सहज हुने गरी पद छोड्नु राम्रो हुने उनको भनाइ छ। बुर्लाकोटीले राजनीतिक नियुक्ति सम्बन्धी अन्तिम निर्णय सरकारकै हुने भए पनि नैतिकता र सुशासनका दृष्टिले स्वयं मार्गप्रशस्त गर्नु उचित हुने बताए।...

डोल्पा । त्रिपुरासुन्दरी नगरपालिकामा अवैध रूपमा सङ्कलन गरिएको ठूलो परिमाणको जडीबुटीसहित चार जना पक्राउ परेका छन् । उनीहरुलाई नियन्त्रणमा लिएर शे फोक्सुण्डो राष्ट्रिय निकुञ्ज प्रशासनमा बुझाइएको जनाइएको छ । नेपाली सेनाको संयुक्त गस्ती टोलीले आज बिहान ३ः ३० बजे त्रिपुरासुन्दरी नगरपालिका–१, त्रिपुराकोट क्षेत्रमा छापा मार्ने क्रममा करिब ३५ क्विन्टल पदमचाल जडीबुटी र दुई ट्याक्टर नियन्त्रणमा लिएको हो । श्री सङ्ग्राम सार्दुल गुल्मका उपसेनानी सुशील दाहालको कमान्डमा नेपाली सेना र निकुञ्ज प्रशासन कार्यालयका सिनियर गेम स्काउटको संयुक्त टोलीले उक्त कारबाही गरेको जनाइएको छ । पक्राउ पर्नेमा त्रिपुरासुन्दरी–५ का ३६ वर्षीय नरेश बुढा, सल्यान कुमाख गाउँपालिका–४ का २५ वर्षीय एलिश बुढा (चालक), रुकुमपश्चिम आठबिस नगरपालिका–७ का ४८ वर्षीय कृष्ण विक (चालक) तथा त्रिपुरासुन्दरी–५ का ३३ वर्षीय विकास रोकाया छ...

सल्यान । सेवाग्राहीका लागि विद्युत मिटर लिन गएका एक वडाध्यक्षले कार्यालयमै धर्ना बसेपछि मात्र मिटर उपलब्ध गराइएको घटना सार्वजनिक भएको छ । कपुरकोट गाउँपालिका–३ का वडाध्यक्ष प्रदीप खड्का तीन जना सेवाग्राहीका लागि नेपाल विद्युत प्राधिकरण, सल्यान वितरण केन्द्र पुगेका थिए । आवश्यक प्रक्रिया पूरा भए पनि तत्काल मिटर दिन नसकिने बताइएपछि उनले विरोधस्वरूप कार्यालय परिसरमै धर्ना सुरु गरेका थिए । साँझदेखि सुरु भएको धर्ना राति करिब साढे १० बजेसम्म जारी रह्यो । त्यसपछि मात्र वितरण केन्द्रले तीनवटा मिटर उपलब्ध गराएपछि धर्ना अन्त्य भएको बताइएको छ । वडाध्यक्ष खड्काले दुर्गम क्षेत्रका नागरिकलाई पटक–पटक सदरमुकाम धाउन बाध्य पार्ने ढिलासुस्ती अस्वीकार्य भएकाले दबाब दिन धर्ना बस्नुपरेको बताएका छन् । घटनाप्रति प्रतिनिधिसभा सदस्य रमेश मल्लले ध्यानाकर्षण भएको जनाउँदै सेवा प्रवाहमा भइरहेको ढिलाइबारे छान...

वीरगञ्ज । नेकपा (बहुमत) निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी) मधेश प्रदेश समितिले वीरगञ्जस्थित हरिखेतानी बहुमुखी क्याम्पस मा विद्यार्थीमाथि दमन भएको भन्दै कडा आपत्ति जनाएको छ । समितिका संयोजक आयुष घिमिरेद्वारा जारी प्रेस वक्तव्यमा संगठनले शिक्षा क्षेत्रमा देखिएको भ्रष्टाचार, बेथिति, निजीकरण तथा प्रशासनिक दमनको विरुद्ध आफूहरू लामो समयदेखि संघर्षरत रहेको उल्लेख गरिएको छ । वक्तव्यमा हरिखेतानी बहुमुखी क्याम्पसमा विद्यार्थीका जायज माग उठाउँदा क्याम्पस प्रशासनले शक्ति दुरूपयोग गर्दै दमन गरेको आरोप लगाइएको छ । विद्यार्थीका अधिकार कुण्ठित गर्ने तथा आवाज दबाउने गतिविधि तत्काल बन्द गर्न संगठनले प्रशासनलाई चेतावनी दिएको छ । संगठनले उक्त घटनाको निष्पक्ष छानबिन गरी दोषीमाथि कडा कानुनी कारबाही गर्न माग गरेको छ । माग सम्बोधन नभए कडा आन्दोलनमा उत्रन...

अमेरिकी राष्ट्रपति डोनाल्ड ट्रम्प नेतृत्वको प्रशासनले सुरु गरेको इरानसँगको युद्धको उद्देश्यबारे अमेरिकी नागरिकहरू पहिलेभन्दा बढी अन्योलमा परेको एक नयाँ सर्वेक्षणले देखाएको छ। सीबीएस न्युज र युगोभ ले मार्च १७ देखि २० सम्म गरेको सर्वेक्षणमा सहभागी करिब ३,३०० जनामध्ये ६८ प्रतिशतले इरानमाथि आक्रमण गर्नुको स्पष्ट उद्देश्य सरकारले अझै नबताएको बताएका छन्। यसअघि मार्च २ देखि ४ सम्म गरिएको समान सर्वेक्षणमा ६२ प्रतिशतले लक्ष्य स्पष्ट नभएको बताएका थिए। त्यसबेला ३८ प्रतिशतले उद्देश्य स्पष्ट भएको बताएका थिए भने अहिले यो संख्या घटेर ३२ प्रतिशतमा पुगेको छ। राष्ट्रपति ट्रम्पले युद्धको उद्देश्य इरानको नौसेना कमजोर बनाउने, मध्यपूर्वका छिमेकी देशमाथि आक्रमण गर्न नसक्ने बनाउने तथा इरानलाई परमाणु हतियार बनाउन नदिने रहेको बताएका थिए। तर इरानले वास्तवमा अमेरिकालाई कति खतरा दिएको थियो भन्ने विषयमा अझै प्...