Day: June 6, 2026

काठमाडौं । सामाजिक सञ्जालमा ‘नेपाली ब्रो’ नामले चिनिने कुमार थापाले आफ्नी श्रीमतीको हत्या गरेका छन्। काठमाडौंको तारकेश्वर नगरपालिका–६ लोलाङ पैँयुटारमा शुक्रबार राति घरायसी विवादका क्रममा ४२ वर्षीय कुमार थापाले आफ्नी श्रीमती ४२ वर्षीया ईश्वरी भुजेलमाथि फलामको रड प्रहार गरेको प्रहरीले जनाएको छ। गम्भीर घाइते भएकी भुजेललाई उपचारका लागि त्रिवि शिक्षण अस्पताल, महाराजगञ्ज पुर्‍याइएको थियो। उपचारकै क्रममा उनको मृत्यु भएको प्रहरीले जनाएको छ। घटनापछि थापालाई प्रहरीले पक्राउ गरी प्रहरी वृत्त बालाजुमा राखेको छ। घटनाबारे थप अनुसन्धान भइरहेको प्रहरीले जनाएको छ।...

नेपालमा पश्चिमी न्यून चापीय रेखा र स्थानीय वायुको प्रभाव कायम रहेकाले आज देशका अधिकांश पहाडी तथा हिमाली क्षेत्रमा वर्षाको सम्भावना रहेको छ। मौसम पूर्वानुमान महाशाखाका अनुसार कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानमा चट्याङ्गसहित मध्यम वर्षा हुन सक्नेछ। केही तराई क्षेत्रमा भने तातो दिनको अवस्था कायम रहने जनाइएको छ। हाल बागमती र गण्डकी प्रदेशका पहाडी तथा हिमाली क्षेत्रमा हल्कादेखि मध्यम वर्षा भइरहेको छ। रातिको समयमा पनि कोशी प्रदेशसहित हिमाली भूभागका केही स्थान तथा मधेस, बागमती र गण्डकीका पहाडी क्षेत्रमा हल्का वर्षाको सम्भावना रहेको महाशाखाले जनाएको छ।...

नेपाल लेयर्स कुखुरापालक सङ्घले अण्डाको फार्म समर्थन मूल्य पुनः वृद्धि गरेको छ। आजदेखि लागू हुने नयाँ मूल्यअनुसार एक्सएल अण्डा प्रतिक्रेट ५६० रुपैयाँ, ठूलो ५४५ रुपैयाँ, मिडियम ५१५ रुपैयाँ र सानो अण्डा प्रतिपेटी ३ हजार रुपैयाँ कायम गरिएको छ। सङ्घका अनुसार उत्पादन घट्नु, बजार माग बढ्नु तथा दाना–औषधिलगायत उत्पादन लागत वृद्धि हुनु मूल्य बढ्नुका मुख्य कारण हुन्। नयाँ दररेटपछि खुद्रा बजारमा अण्डाको मूल्य प्रतिगोटा करिब २५ रुपैयाँ पुगेको छ। सङ्घले किसानले अहिले उत्पादन लागत नजिकको मूल्य पाउन थालेको जनाएको छ। पछिल्लो एक महिनामा अण्डाको मूल्य करिब २० प्रतिशतसम्म बढेको सङ्घले जनाएको छ।...