पोखरा – पोखरा महानगरपालिका–२१ स्थित फोहोर विसर्जन केन्द्रमा बिहीबार बिहान तीनवटा ग्रिनेड बम फेला परेका छन्।
महानगरको फोहोर बोकेको गाडीबाट खसालिएको फोहोरमा कवाडी सामग्री संकलन गर्ने क्रममा रिमा शेर्पाले शंकास्पद वस्तु भेटेपछि घटना सार्वजनिक भएको हो। एस्काभेटर चालकको सतर्कतापछि बमहरू सुरक्षित राखिएको थियो।
सूचना पाएलगत्तै वडा प्रहरी कार्यालय बैदामको टोली घटनास्थल पुगेको छ भने ग्रिनेड निष्क्रिय पार्न नेपाली सेनाले पारेको थियो ।
फोहोरमा विष्फोटक पदार्थ कसरी पुग्यो भन्ने विषयमा प्रहरीले अनुसन्धान सुरु गरेको छ।
