Day: January 1, 2026

विराटनगर — सुनसरीको कोशी गाउँपालिका–१ मा सशस्त्र प्रहरीले चलाएको गोली लागेर सिटी सफारी चालक विजय साहको मृत्यु भएको छ। बुधबार राति करिब १ बजे भारतबाट चिनी ल्याउँदै गरेका साहमाथि तस्करी नियन्त्रणका क्रममा गोली प्रहार भएको सशस्त्र प्रहरी बलले जनाएको छ। घटनापछि स्थानीयले शव उठाउन नदिँदै विरोध प्रदर्शन गरिरहेका छन्। सशस्त्र प्रहरीका अनुसार तस्कर समूहसँग दोहोरो गोली हानाहान हुँदा घटना भएको हो भने स्थानीयले लेनदेन विवादका कारण गोली चलाइएको आरोप लगाएका छन्। घटनाबारे अनुसन्धान भइरहेको प्रहरीले जनाएको छ।...

दाङ — देशभर पश्चिमी वायुको आंशिक प्रभाव कायम रहेकाले आज तराई क्षेत्रका अधिकांश स्थानमा हुस्सु र कुहिरो लागेको छ। जल तथा मौसम पूर्वानुमान महाशाखाका अनुसार दिउँसो पनि तराईका धेरै भू–भागमा हुस्सु कायमै रहने सम्भावना छ। हाल कर्णाली र सुदूरपश्चिम प्रदेशमा आंशिक बदली देखिएको छ। लुम्बिनी प्रदेशसहित कर्णाली, सुदूरपश्चिम तथा उच्च पहाडी र हिमाली क्षेत्रमा पनि आंशिक बदली रहने महाशाखाले जनाएको छ। महाशाखाको पूर्वानुमान अनुसार कोशी, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली क्षेत्रका एक–दुई स्थानमा हल्का वर्षा वा हिमपात हुन सक्ने सम्भावना छ। आज राति पनि तराईका केही स्थानमा हुस्सु जारी रहनेछ। कर्णाली र सुदूरपश्चिम प्रदेशसहित उच्च पहाडी तथा हिमाली क्षेत्रमा आंशिक बदली रहनेछ भने बाँकी भू–भागमा मौसम प्रायः सफा रहने अनुमान गरिएको छ। रातिको समयमा पनि पहाडी तथा हिमाली क्षेत्रका केही...