काठमाडौं । गौरव नेतृत्वको नेपाल कम्युनिस्ट पार्टी (माओवादी)ले प्रधानमन्त्री बालेन्द्र शाह (बालेन)ले संसदमा दिएको “नेपालले पनि भारतको धेरै ठाउँमा सीमा मिचेको छ” भन्ने अभिव्यक्तिप्रति गम्भीर आपत्ति जनाएको छ।
पार्टीका महासचिव गौरवद्वारा जारी विज्ञप्तिमा उक्त अभिव्यक्तिलाई राष्ट्रघाती र देशद्रोही भन्दै तत्काल फिर्ता लिन, संसदको रेकर्डबाट हटाउन तथा नेपाली जनतासँग माफी माग्न माग गरिएको छ।
माओवादीले प्रधानमन्त्रीको अभिव्यक्तिले राष्ट्रियता, सार्वभौमसत्ता र नेपाली जनताको आत्मसम्मानमाथि चोट पुगेको दाबी गर्दै प्रधानमन्त्रीमाथि कारबाही गर्न सरकारसँग माग गरेको छ। साथै पार्टीले राष्ट्रवादी शक्तिहरूलाई विरोधमा उत्रिन आह्वान गरेको छ।
