सप्तरी – सप्तरीको राजविराजस्थित गजेन्द्रनारायण सिंह अस्पतालमा सुत्केरी व्यथाले च्यापेकी एक महिलाले अस्पतालबाहिरै बच्चा जन्माउनुपरेको घटनालाई लिएर अस्पतालको सेवा व्यवस्थापनमाथि प्रश्न उठेको छ।
बुधबार राति प्रसव पीडामा अस्पताल पुगेकी विपन्न महिलालाई पर्याप्त उपचार नदिइएको र अस्पतालको गेटबाहिरै प्रसूति गराउनुपरेको दाबी सार्वजनिक भएको छ। घटनापछि अस्पताल प्रशासनको व्यवहार र स्वास्थ्यकर्मीको भूमिकामाथि प्रश्न उठाउँदै निष्पक्ष छानबिनको माग गरिएको छ।
पैसाको अभावका कारण कुनै पनि बिरामी उपचारबाट वञ्चित हुन नहुने भन्दै घटनामा लापरबाही वा गैरजिम्मेवारी पुष्टि भए सम्बन्धित पक्षलाई कानुनअनुसार कारबाही गर्न माग गरिएको छ।
