काठमाडौं । नेकपा (एमाले)को सचिवालय बैठक आज पनि जारी रहने भएको छ । पार्टी अध्यक्ष केपी शर्मा ओलीको निवास गुण्डुमा बिहान ११ः३० बजे बस्ने बैठकमा बाँकी सचिवालय सदस्यहरूले आफ्नो धारणा राख्ने कार्यक्रम तय गरिएको छ ।
उपमहासचिव लेखराज भट्टका अनुसार सदस्यहरूको धारणा सुनेपछि अध्यक्ष ओलीले समग्र विषयमा जवाफ दिनेछन् । शुक्रबारदेखि सुरु भएको बैठकमा अधिकांश नेताहरूले पार्टी पुनर्गठन र नेतृत्व हस्तान्तरणको विषय उठाउँदै ओलीलाई मार्ग प्रशस्त गर्न सुझाव दिएका छन् ।
विगतमा ओली निकट मानिएका केही नेताले समेत नेतृत्व परिवर्तन आवश्यक रहेको धारणा राखेपछि बैठकलाई अर्थपूर्ण रूपमा हेरिएको छ ।
