घोराहीका विद्यालयहरूमा अब आइतबार पनि पढाइ हुने

दाङ । घोराही उप-महानगरपालिकाले आइतबार पनि विद्यालय सञ्चालन गर्ने निर्णय गरेको छ। अभिभावकहरूको मागलाई सम्बोधन गर्दै नगर कार्यपालिकाले साविक बमोजिम नै आइतबारदेखि शुक्रबारसम्म विद्यालय खोल्न निर्देशन दिएको हो।

​शिक्षा अधिकृत भवानी गिरीका अनुसार वैशाख २१ गतेको निर्णयानुसार अब उप-महानगरपालिकाभित्रका सम्पूर्ण विद्यालयहरू साताको ६ दिन नै सञ्चालन हुनेछन्।