काठमाडौँ — नेपाल कम्युनिष्ट पार्टी (बहुमत)का केन्द्रीय नेता दीपक चलाउनेले अमेरिका र उसका नीतिविरुद्ध कडा टिप्पणी गरेका छन्। देशभक्ति त मर्दैन, देश सानो भए पनि, भन्दै उनले कुनै देशको शासन प्रजातान्त्रिक छ वा छैन भन्ने मापदण्ड बाह्य शक्तिको घोषणा वा आक्रमण बाट हुन नसक्ने बताएका छन्।
उनले अमेरिकी पूर्वराष्ट्रपति डाेनाल ट्रम प्रति संकेत गर्दै प्राकृतिक सम्पदा दोहनबाट उभिएको वैभव दीर्घकालीन नहुने दाबी गरे। स्वतन्त्रताको नाममा विदेशी शक्तिको सहारा खोज्ने प्रवृत्ति देशद्रोह भएको उनको भनाइ थियो।
इरानप्रति समर्थन जनाउँदै उनले इरान एक स्वतन्त्र र सार्वभौम राष्ट्र भएको उल्लेख गरे। त्यहाँको शासन व्यवस्था र धार्मिक संरचना त्यहाँकै जनताको रोजाइको विषय भएको उनले बताए। साथै अयातोल्ला अली खामेनी राष्ट्र प्रमुख रहेको उल्लेख गर्दै बाह्य हस्तक्षेप अस्वीकार्य हुने धारणा व्यक्त गरे।
