भक्तपुर । राष्ट्रिय परीक्षा बोर्ड, सानोठिमीले कक्षा १२ को वार्षिक परीक्षाको परीक्षाफल सार्वजनिक गरेको छ।
शैक्षिक सत्र २०८३ साल वैशाखमा सञ्चालन भएको परीक्षाको नतिजा बोर्डको निर्णयानुसार सार्वजनिक गरिएको हो।
परीक्षामा नियमित र आंशिक गरी कुल ४ लाख १८ हजार १७० जना परीक्षार्थी सहभागी भएकोमा ५४.१३ प्रतिशत (२ लाख ६८ हजार १९० जना) मात्र उत्तीर्ण भएका छन्।
विवरण अनुसार नियमिततर्फ ५९.७५ प्रतिशत र आंशिकतर्फ ४२.३८ प्रतिशत परीक्षार्थीले सबै विषयमा ग्रेड प्राप्त गरेका छन्।
परीक्षामा अमर्यादित कार्य गर्ने ४० जनाको परीक्षा रद्द गरिएको छ भने २ जनालाई थप एक वर्ष बोर्डको परीक्षामा सहभागी हुन नपाउने गरी प्रतिबन्ध लगाइएको छ।
परीक्षार्थीले राष्ट्रिय परीक्षा बोर्ड र नेपाल टेलिकमको वेबसाइट, तथा १६०० मा एसएमएस (SMS) वा १६०१ मा डायल (IVR/USSD) गरेर नतिजा हेर्न सक्नेछन्।
नतिजामा चित्त नबुझेमा प्रतिविषय १ हजार रुपैयाँ दस्तुर तिरेर असार ६ गतेदेखि १२ गतेभित्र अनलाइन मार्फत पुनर्योग (Retotaling) का लागि आवेदन दिन सकिने बोर्डले जनाएको छ।
