सरकारले भदौ २४ घटना ढाक्न खोजेको गगन थापाको आरोप

विराटनगर पुगेका नेपाली कांग्रेसका सभापति गगन थापा ले भदौ २४ गते भएको घटनाको सत्यतथ्य सार्वजनिक गर्न तत्काल न्यायिक आयोग गठन गर्न सरकारसँग माग गरेका छन् ।

शनिबार कोइराला निवास पुगेका थापाले सरकारले घटनालाई ढाकछोप गर्न खोजेको आरोप लगाउँदै भदौ २३ को घटनामा भइरहेको अनुसन्धानलाई कांग्रेसले समर्थन गरे पनि २४ गते भएको क्षति र मृत्युका घटनाबारे निष्पक्ष छानबिन आवश्यक रहेको बताएका हुन् ।

उनले कोइराला निवासदेखि चाक्सीबारी र सिंहदरबारदेखि राष्ट्रपति भवनसम्म भएको क्षतिको वास्तविकता बाहिर ल्याउन न्यायिक आयोग गठन गर्नुपर्ने बताएका छन् ।