रूकुम पश्चिम – रुकुम पश्चिमको बाँफिकोट गाउँपालिका–४ स्थित तिल्चा खोलाले मोटरसाइकलसहित एक युवकलाई बगाउँदा उनी बेपत्ता भएका छन्।
मंगलबार अपराह्न खोला पार गर्ने क्रममा मुसिकोटबाट कुनाखेत हुँदै स्यार्पुतालतर्फ जाँदै गरेका १८ वर्षीय प्रशान्त सन्यासीलाई खोलाले बगाएको प्रहरीले जनाएको छ।
सन्यासीले चलाएको रा.६ प. १६१८ नम्बरको मोटरसाइकलसमेत खोलाले बगाएको छ। मोटरसाइकलमा पछाडि सवार रामेछापका १८ वर्षीय प्रवीण बस्नेत भने खोलाको बीचमा रहेको ढुंगामा अड्किएको अवस्थामा प्रहरीले सकुशल उद्धार गरेको छ। बेपत्ता सन्यासीको खोजी कार्य जारी रहेको प्रहरीले जनाएको छ।
