धरान । हर्क साम्पाङ नेतृत्वको श्रम संस्कृति पार्टीको केन्द्रीय समिति बैठक आजदेखि धरानमा सुरु भएको छ। बैठकमा सुदन किराती समूहलाई भने सहभागी गराइएको छैन।
पार्टीभित्रको एकता प्रक्रियालाई बैठकले अनुमोदन गरेपछि मात्रै सुदन समूहलाई समेटेर भोलि बैठक बोलाउने तयारी रहेको जनाइएको छ।
यसैबीच सुदन किराती समूह आन्तरिक छलफलमा जुटेको छ। श्रम संस्कृति पार्टी र किराती समूहबीच केही समयदेखि सहकार्य तथा संगठनात्मक एकताको विषयमा छलफल हुँदै आएको छ। गत जेठमा किराती समूहका तीन पदाधिकारीसहित १८ नेताले श्रम संस्कृति पार्टीमा विभिन्न जिम्मेवारीसमेत पाएका थिए।
