काठमाडौं । खाना पकाउने ग्यास खरिदमा नागरिकता वा राष्ट्रिय परिचयपत्र अनिवार्य गरिएपछि राप्रपाका संसदीय दलका नेता ज्ञानेन्द्र शाहीले सरकारको व्यवस्थापनमाथि प्रश्न उठाएका छन्।
सामाजिक सञ्जालमा टिप्पणी गर्दै शाहीले ग्यास लिनसमेत घण्टौँ लाइनमा बसेर परिचयपत्र देखाउनुपर्ने अवस्थाप्रति व्यंग्य गरेका छन्। उनले भनेका छन्, ‘ग्यास लिन लागेको हो कि नाका पार गर्न लागेको हो?’
जनताले दैनिक उपभोगका अत्यावश्यक वस्तु सहज रूपमा पाउने वातावरण बनाउन सरकार गम्भीर हुनुपर्ने शाहीको भनाइ छ।
