नेकपा एमालेका अध्यक्ष केपी शर्मा ओली फागुन २१ को निर्वाचनपछि पहिलोपटक गृहजिल्ला झापा पुगेका छन्। शनिबार भद्रपुर विमानस्थलमा ओर्लिएका ओलीलाई एमाले नेता–कार्यकर्ताले नाराबाजीसहित स्वागत गरे।
‘मिसन पार्टी जागरण’ अभियानअन्तर्गत आइतबार हुने कार्यक्रममा सहभागी हुन झापा पुगेका ओलीले पार्टी संगठन र आगामी रणनीतिबारे सम्बोधन गर्ने बताइएको छ। निर्वाचनमा ओली झापा–५ बाट राष्ट्रिय स्वतन्त्र पार्टीका बालेन्द्र शाहसँग पराजित भएका थिए।
