सिंहदरबारमा खुकुरी लिएर छिर्ने अभिव्यक्ति दिएको आरोपमा पक्राउ परेका भोजपुरको अरुण गाउँपालिका निवासी ३९ वर्षीय डम्बरबहादुर तामाङ रिहा भएका छन्।
असार १५ गते पक्राउ परेका तामाङमाथि सार्वजनिक शान्तिविरुद्धको कसुरमा अनुसन्धान गरिएको थियो। विभिन्न स्थानका अव्यवस्थित बसोबासीलाई अस्थायी रूपमा राख्न कीर्तिपुरमा स्थापना गरिएको होल्डिङ सेन्टरबाट प्रहरीले उनलाई नियन्त्रणमा लिएको थियो।
प्रहरीका अनुसार सार्वजनिक रूपमा दिएको अभिव्यक्तिले शान्ति–सुरक्षामा असर पर्न सक्ने ठहर गर्दै उनलाई पक्राउ गरिएको थियो।
