धनगढी — डिभिजन वन कार्यालय कैलालीले गोदावरी नगरपालिका–४ स्थित चुरे क्षेत्रमा वन कर्मचारीले राखेको टेप्पो भिरबाट खसेको भन्ने सामाजिक सञ्जालमा फैलिएको प्रचार भ्रामक भएको जनाएको छ।
कार्यालयले प्रेस विज्ञप्ति जारी गर्दै उक्त टेप्पो लामो समयदेखि वन अतिक्रमणका लागि प्रयोग भइरहेको र हटाउन निर्देशन दिँदा पनि नहटाइएपछि नियन्त्रणका क्रममा धकेलेर हटाइएको स्पष्ट पारेको छ। वन टोलीले टेप्पो गुडाएर लैजान खोज्दा असन्तुलनका कारण भिरबाट खसेको कार्यालयको भनाइ छ।
डिभिजन वन कार्यालयले सत्यतथ्य नबुझी अतिरञ्जित र भ्रामक सूचना प्रसारण नगर्न सबैलाई आग्रह गरेको छ।
