सिन्धुलीको इलाका प्रहरी कार्यालय खुर्कोटको हिरासतमा थुनुवा श्रीकृष्ण विकको मृत्यु भएपछि छानबिन समितिले एसपी लालध्वज सुवेदी सहित १० जना प्रहरीलाई कारबाही गर्न सिफारिस गरेको छ।
डीआईजी दिनेश कुमार आचार्य नेतृत्वको समितिले घटनामा संलग्न प्रहरी माथि सचेत, ध्यानाकर्षण, सख्त चेतावनी, नसिहत र ग्रेड घटुवासम्मको कारबाही प्रस्ताव गरेको हो।
प्रहरीका केन्द्रीय प्रवक्ता अभिनारायण काफ्लेका अनुसार हिरासत व्यवस्थापनमा कमजोरी देखिएकाले भविष्यमा यस्ता घटना दोहोरिन नदिन निगरानी प्रणाली कडा बनाउन, ड्युटीका समयमा नियमित सुपरिवेक्षण गर्न तथा संवेदनशील घटनामा कार्यालय प्रमुखको प्रत्यक्ष निगरानी अनिवार्य गर्न समितिले सुझाव दिएको छ।
