काठमाडौँ । चलचित्र ‘लालीबजार’ ले आफ्नो समुदायको मानमर्दन र चरित्र हत्या गरेको भन्दै बादी समुदायका प्रतिनिधिहरू विरोध प्रदर्शनमा उत्रिएका छन्।
उक्त चलचित्रले समुदायको ऐतिहासिक र सामाजिक गरिमालाई नकारात्मक रूपमा चित्रण गरेको उनीहरूको ठहर छ। बादी अधिकारकर्मीहरूले चलचित्रमा समावेश आपत्तिजनक दृश्य र संवादहरूले समाजमा गलत सन्देश जाने भन्दै तत्काल सच्याउन वा प्रदर्शनमा रोक लगाउन माग गरेका छन्।
प्रदर्शनकारीहरूले आफ्नो कला, संस्कृति र पहिचानलाई गलत ढंगले नबेच्न चेतावनी दिँदै न्यायका लागि प्रशासनको ढोका घच्घच्याउने बताएका छन्।
