काठमाडौं — शिक्षा, विज्ञान तथा प्रविधि मन्त्रालय ले इन्ट्रान्स र ब्रिज कोर्स बन्द गर्ने निर्णयसम्बन्धी सूचना सार्वजनिक गरेको २४ घण्टा नपुग्दै वेबसाइटबाट हटाएको छ।
आइतबार मन्त्रालयले सबै तहका प्रवेश परीक्षा तयारी कक्षा बन्द गर्ने सूचना जारी गरेको थियो। तर शिक्षामन्त्री सस्मित पोखरेल ले भने कक्षा १२ सम्मका इन्ट्रान्स र ब्रिज कोर्समा मात्र रोक लगाउने उल्लेख गरेको सूचना सार्वजनिक गरेका थिए । मन्त्रालय र मन्त्रीले सार्वजनिक गरेको सूचना फरक परेपछि सूचना हटाएको अनुमान गरिएको छ । यसबारे शिक्षा मन्त्रालयले कुनै प्रतिक्रिया दिएको छैन् ।
मन्त्री र मन्त्रालयको सूचना नमिल्दा निर्णयमै अन्योल देखिएको भन्दै आलोचना सुरु भएको थियो। त्यसकै बीच मन्त्रालयले आफ्नो आधिकारिक सूचना हटाएको हो।
निर्णयप्रति समर्थन र आलोचना दुवै बढिरहेका बेला मन्त्रालयले यसबारे कुनै स्पष्ट प्रतिक्रिया दिएको छैन।
