विद्यार्थी अधिकार खोसिएको भन्दै सरकारविरुद्ध आरोप

काठमाडौं — विद्यार्थी स्वयंसेवक नेपालका केन्द्रीय संयोजक मुक्ति गैरेले सरकारले विद्यार्थीका मौलिक अधिकार कुण्ठित गरेको आरोप लगाएका छन्। उनले सरकारको सय कार्यसूचीअन्तर्गत विद्यार्थी संगठनहरू खारेज गर्ने निर्णयप्रति आपत्ति जनाउँदै यसले सुशासन होइन, तानाशाही प्रवृत्ति बढाएको बताएका छन्।

गैरेले विज्ञप्तिमार्फत उक्त कदम तत्काल फिर्ता लिन माग गर्दै संविधानले सुनिश्चित गरेका अधिकारको उल्लंघन भएको दाबी गरेका छन्। साथै, उनले सरकारको निर्णयविरुद्ध संघर्षमा उत्रन विद्यार्थीहरूलाई अपिल गरेका छन्।