रुकुम पश्चिम । यहाँ जारी प्रतिनिधिसभा निर्वाचनको मतगणनामा नेकपाका उम्मेदवार गोपाल शर्मा अग्रस्थानमा रहेका छन्।
पछिल्लो विवरण अनुसार शनिबार बिहान करिब ६ बजेसम्म शर्माले ७ हजार २७२ मत प्राप्त गरेका छन्। उनका निकटतम प्रतिस्पर्धी प्रलोपाका जनार्दन शर्माले ५ हजार १६० मत ल्याएर दोस्रो स्थानमा रहेका छन्।
त्यसैगरी अर्का उम्मेदवार राजु केसीले ४ हजार ८४२ मत प्राप्त गरेका छन्।
निर्वाचन अधिकृतको कार्यालयका अनुसार मतगणना प्रक्रिया अझै जारी रहेकाले अन्तिम परिणाम आउन बाँकी छ। मतगणना अघि बढ्दै जाँदा नतिजामा फेरबदल हुन सक्ने सम्भावना रहेको छ।
