काठमाडौँ । नेपाल कम्युनिस्ट पार्टीका संयोजक पुष्पकमल दाहाल ‘प्रचण्ड’ले भ्रष्टाचारविरोधी र सुशासनका अभियान मन नपराउने शक्तिहरूको दबाबका कारण आफू सरकारबाट बाहिरिन बाध्य भएको बताएका छन् । रुकुम पूर्व–काठमाडौँ सम्पर्क समन्वय समितिको कार्यक्रमलाई सम्बोधन गर्दै उनले आफ्नो नेतृत्वको सरकारले चालेका कदम केही वर्गलाई असह्य भएको दाबी गरे ।
उनले अधुरा रहेका सुशासन र सामाजिक न्यायका अभियान पूरा गर्न पुनः जनताको बीचमा जाने स्पष्ट पार्दै आगामी निर्वाचनमा रुकुम पूर्वबाट उम्मेदवार बन्ने निर्णय ऐतिहासिक र राजनीतिक जिम्मेवारीसँग जोडिएको बताए । प्रचण्डले रुकुम पूर्वलाई विकास, उत्पादन र रोजगारीको नमूना बनाएर समाजवादको आधार तयार गर्ने योजना रहेको पनि सुनाए ।
