दाङ । दाङको घोराही–१० नारायणपुरस्थित ग्रेट बुद्ध एकेडेमीमा आजदेखि वार्षिक खेल सप्ताह सुरु भएको छ। विद्यार्थीमा शारीरिक तन्दुरुस्ती, अनुशासन र खेलभावना विकास गर्ने उद्देश्यसहित आयोजित खेल सप्ताहको उद्घाटन नेपाल पत्रकार महासंघका केन्द्रीय सचिव सविन प्रियासनले गरेका थिए।
उद्घाटन समारोहमा बोल्दै प्रियासनले खेलकुदलाई शैक्षिक प्रणालीसँग जोडेर व्यवस्थित रूपमा विकास गर्नुपर्ने आवश्यकता औंल्याए। खेल सप्ताहअन्तर्गत भलिबलसहित विभिन्न खेलकुद प्रतियोगिता सञ्चालन गरिने विद्यालयले जनाएको छ।
