काठमाडौँ । देशमा पश्चिमी वायुको आंशिक प्रभाव रहेको छ। उच्च पहाडी तथा हिमाली भूभागमा आंशिक बदली रहे पनि अधिकांश स्थानमा मौसम सफा छ। लुम्बिनी र सुदूरपश्चिम प्रदेशका तराईका धेरै ठाउँमा हुस्सु लागेको छ।
आज दिउँसो र राति तराई भूभागमा हुस्सु तथा कुहिरो कायम रहनेछ भने पहाडी तथा हिमाली क्षेत्रमा मौसम मुख्यतया सफा रहने पूर्वानुमान छ। हुस्सुका कारण जनजीवन, स्वास्थ्य तथा सडक र हवाई यातायातमा असर पर्न सक्ने भएकाले आवश्यक सतर्कता अपनाउन मौसम पूर्वानुमान महाशाखाले आग्रह गरेको छ।
