काठमाडौं । नेपाली कांग्रेसका महामन्त्री गगन थापा विशेष महाधिवेशनको तयारीलाई तीव्र बनाउँदै राजनीतिक प्रतिवेदन लेख्न धुलिखेल पुगेका छन्। सभापति शेरबहादुर देउवासँगको भेट स्थगित भएपछि थापा तयारीमा जुटेका हुन्।
थापाले भृकुटीमण्डपमा विशेष महाधिवेशनका लागि हल बुक गरिसकेका छन्। नियमित महाधिवेशन ढिलो भएकाले विशेष महाधिवेशन अपरिहार्य भएको उनको धारणा छ। पुस २७–२८ गते महाधिवेशन गर्ने तयारी भइरहेको छ।
यस विषयमा जानकारी गराउन दुवै महामन्त्री देउवालाई भेट्ने तयारी भए पनि अन्तिममा समय नदिइएको बताइएको छ।
