जाजरकोट । जुनिचाँदे गाउँपालिकामा जनप्रतिनिधिको गैरजिम्मेवार व्यवहार सार्वजनिक भएको छ। गाउँपालिकाका उपाध्यक्ष वीरेन्द्र बहादुर शाहीले मदिरा सेवनको अवस्थामा कार्यालयमै कार्यालय सहयोगी लालबहादुर शाहीमाथि कुटपिट गरेको आरोप लागेको छ।
पीडित कर्मचारीका अनुसार सेवाग्राहीको काम गरिरहेका बेला उपाध्यक्ष मदिरा सेवन गरी कार्यकक्षमा प्रवेश गर्दै गालीगलौज र हातपातमा उत्रिएका हुन्। घटनामा घाइते भएका लालबहादुर शाहीले प्रहरी चौकी जुनिचाँदेमा जाहेरी दिएका छन्। घटनाले स्थानीय तहमा जनप्रतिनिधिको आचरणमाथि गम्भीर प्रश्न उठाएको छ।
