काठमाडौँ । समाजवादी कम्युनिस्ट पार्टी नेपालले विदेशी दलालको कठपुतली सरकार भएको आरोप लगाउँदै आगामी फागुन २१ गते हुने निर्वाचन अस्वीकार गर्न अपिल गरेको छ। पार्टीले उक्त निर्वाचन औचित्यहीन, प्रतिगामी र वैदेशिक शक्तिकेन्द्रको डिजाइनअनुसार हुने नाटक मात्र भएको दाबी गरेको छ।
जारी अपिलमा पार्टीले सुशीला कार्की नेतृत्वको सरकार विदेशी हस्तक्षेपबाट बनेको, राष्ट्रिय स्वाधीनता र जनाधिकारमाथि प्रहार भएको तथा निर्वाचनमार्फत देश जलाउने अपराधलाई अनुमोदन गराउन खोजिएको आरोप लगाएको छ। त्यसैले कुनै पनि देशभक्त, वामपन्थी र लोकतन्त्रवादीले निर्वाचनमा सहभागी नहुनुपर्ने पार्टीको भनाइ छ।
पार्टीले सबै राजनीतिक दल र आम जनसमुदायलाई निर्वाचन बहिष्कार गर्दै समाजवादी गन्तव्यसहित स्वाधीन राष्ट्र निर्माणको बाटोमा अघि बढ्न आह्वान गरेको छ।
