दाङ — ‘नेपाली टोपीः हाम्रो पहिचान’ भन्ने नारासहित आज देशभर १३औँ राष्ट्रिय पोशाक तथा टोपी दिवस विभिन्न कार्यक्रम गरी मनाइँदै छ।
युवाहरूको पहलमा २०७० सालदेखि हरेक वर्ष जनवरी १ मा मनाइँदै आएको यस दिवसले दौरा–सुरुवाल, टोपी र गुन्यु–चोलीजस्ता राष्ट्रिय पोशाकलाई पुनः स्थापित गर्न सहयोग पुर्याएको बताइन्छ।
दिवसको अवसरमा धेरैले राष्ट्रिय पोशाकमा सजिएका तस्वीर सामाजिक सञ्जालमा सार्वजनिक गरेका छन्। राजधानीसहित विभिन्न स्थानमा विशेष कार्यक्रम आयोजना गरिएको छ।
