काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले अबको राजनीतिको आधार पारदर्शिता र जनविश्वास हुने बताएका छन्। पार्टीको केन्द्रीय समिति बैठकलाई सम्बोधन गर्दै उनले सम्पत्ति छानबिन आयोग गठन गरी सबै नेताको सम्पत्ति सार्वजनिक गर्ने घोषणा गरे।
उनले पुरानै शैलीमा नेतृत्व सञ्चालन असम्भव भएको उल्लेख गर्दै व्यक्तिगत जीवनशैलीदेखि संगठनात्मक अभ्याससम्म जनमुखी बनाउनुपर्नेमा जोड दिए। नेताहरूको खानपान, लवाइ–खवाइ र जनसम्बन्धलाई सरल र पारदर्शी बनाउन लिखित सुझावसमेत पेस गर्न निर्देशन दिँदै प्रचण्डले नयाँ कार्यशैलीमार्फत मात्र जनताको विश्वास पुनः आर्जन गर्न सकिने बताए।
