रुकुम पश्चिम असोज १० – रूकुम पश्चिमको मुसिकोट नगरपालिकाले आफ्नो स्वीकृत दरबन्दीबाहेक अस्थायी नियुक्ति र करारमा कार्यरत कर्मचारीहरुको सम्झौता रद्द गर्ने निर्णय गरेको छ ।
नगरपालिकाले शुक्रबार सूचना प्रकाशित गर्दै स्वास्थ्यकर्मी, शिक्षक तथा अन्य सेवामा अस्थायी वा करारमा कार्यरत कर्मचारीहरुको नियुक्ति र सम्झौता मिति २०८२ असोज ११ गतेदेखि लागू हुने गरी रद्द गरिएको जानकारी गराएको हो ।
संघीय मामिला तथा सामान्य प्रशासन मन्त्रालय र अर्थ मन्त्रालयको परिपत्रका आधारमा नेपाल सरकार (मन्त्रिपरिषद्) ले असोज ५ गते गरेको निर्णयअनुसार स्वीकृत दरबन्दीबाहेक अस्थायी वा करार सेवामा कर्मचारी राख्न नपाइने भएपछि नगरपालिकाले यो निर्णय लिएको हो ।
मुसिकोट नगरपालिकाका प्रमुख प्रशासकीय अधिकृत मोहनप्रकाशले हस्ताक्षर गरेको सूचनामा “यस निर्णय सम्बन्धित सबैलाई जानकारीका लागि सार्वजनिक गरिएको” उल्लेख गरिएको छ ।
