Day: September 7, 2026

दाङ । ग्रेटर नेपाल कम्युनिष्ट पार्टी दाङले भूमिहीन तथा सुकुम्बासीलाई पुर्जा, घर र रोजगारीको व्यवस्था गर्नुपर्ने लगायतका माग अघि सार्दै संघर्षका कार्यक्रम घोषणा गरेको छ। घोराहीमा पत्रकार सम्मेलन गर्दै पार्टीले असमान सन्धि–सम्झौता खारेज, भूमाफियाको प्लटिङ रोक्नुपर्ने, लघुवित्त तथा नियमविपरीत सञ्चालित सहकारी बन्द गर्नुपर्ने र शिक्षा–स्वास्थ्य निःशुल्क गर्नुपर्ने माग राखेको हो। माग पूरा गराउन ज्ञापनपत्र, धर्ना, जुलुस, सडक तथा मसाल प्रदर्शनदेखि चक्काजाम र आमहड्तालसम्मका कार्यक्रम सञ्चालन गर्ने पार्टीले जनाएको छ।...

कोशी - श्रम संस्कृति पार्टीले आगामी निर्वाचनलाई केन्द्रमा राख्दै संगठन विस्तार र जनआधार मजबुत बनाउने रणनीति अघि सारेको छ। पार्टीको कोसी बैठकले २०८४ सालको स्थानीय तथा प्रदेश निर्वाचनमा बहुमत हासिल गर्ने तथा त्यसपछिको २०८७ सालको निर्वाचनमार्फत पार्टी अध्यक्ष हर्क साम्पाङलाई प्रधानमन्त्री बनाउने लक्ष्यसहित संगठन निर्माण र राजनीतिक गतिविधि अघि बढाउने निर्णय गरेको हो। बैठकले आगामी निर्वाचनलाई पार्टीको राजनीतिक यात्राको महत्वपूर्ण आधारका रूपमा लिँदै देशभर संगठन विस्तार गर्नुपर्ने निष्कर्ष निकालेको जनाएको छ। स्थानीय तहदेखि प्रदेशस्तरसम्म पार्टीको संगठनलाई मजबुत बनाउँदै जनस्तरमा प्रभाव विस्तार गर्ने उद्देश्यका साथ विभिन्न अभियान सञ्चालन गर्ने तयारी गरिएको बताइएको छ। पार्टीले २०८४ को स्थानीय तथा प्रदेश निर्वाचनलाई पहिलो प्रमुख राजनीतिक लक्ष्यका रूपमा अघि सारेको छ। उक्त निर्वाचनमा बहुमत हासिल ...