हेटौंडा / सामाना फिल्मस् प्रा.लिको आयोजनामा हेटौंडामा नेपाली चलचित्र काँडेतारको शो प्रदर्शन हुने भएको छ । आगामी पुस २७ गते चलचित्र काँडेतार प्रदर्शन हुने भएको हो ।
मंगलबार हेटौंडामा पत्रकार सम्मेलन मार्फत उक्त सो हुन लागेको आयोजकले जनाएको छ । खुला सीमाका कारण झडपमा परि मृत्यु भएका परिवार तथा घाइतेहरुको लागि सहयोगार्थ च्यारिटी शो गर्न लागेको चलचित्रका निर्देशक नवल खड्काले बताउनुभयो । देशको माटो र नेपाली मान्छे जोगाउनु पर्छ भन्ने भाव चलचित्रमा रहेको भन्दै देशको ६० भन्दा बढी शो प्रदर्शन गरिसकेको र आगामी फागुन २७ गते चलचित्र देशभर प्रदर्शन हुने जनाएको छ । च्यारेटी शो भने आगामी पुस २७ गत एनएस सिनेमा हलमा काँडेतार प्रदर्शन गरिने निर्देशकले जनाएको छ ।
